உப தலைவராக எஸ்.பி திசாநாயக்க நியமனம், அதிபர்களுக்கு கேர்ணல் பதவி தேவையில்லை-

ஸ்ரீலங்கா சுதந்திரக் கட்சியின் உப தலைவராக முன்னாள் உயர்கல்வி அமைச்சர் எஸ்.பி. திசாநாயக்க நிமிக்கப்பட்டுள்ளார். ஜனாதிபதி மைத்திரிபால சிறிசேன தலைமையில் இடம்பெற்ற கட்சியின் மத்திய குழு கூட்டத்திலேயே இத்தீர்மானம் எடுக்கப்பட்டுள்ளது. கடந்த ஜனாதிபதி தேர்தலின்போது பொதுவேட்பாளராக போட்டியிட்ட மைத்திரிபால சிறிசேனவுக்கு எதிராக சாடி வந்திருந்தார். மேலும் தேர்தல் பிரசார கூட்டமொன்றில் முன்னாள் ஜனாதிபதி சந்திரிகா குமாரதுங்கவையும் கடுமையாக சாடியிருந்தார். இந்நிலையிலேயே எஸ்.பி. திசாநாயக்க ஸ்ரீலங்கா சுதந்திரக் கட்சியின் உப தலைவராக நியமிக்கப்பட்டுள்ளார். இதேவேளை தேசிய பாடசாலைகளின் அதிபர்களுக்கு வழங்கப்பட்டுள்ள கேர்ணல் பதவியை நீக்குவதற்கு தீர்மானித்துள்ளதாக கல்வி அமைச்சர் அகிலவிராஜ் காரியவசம் தெரிவித்துள்ளார். கேர்ணல் பதவி அதிபர்களுக்கு அவசியமற்றது என்பதினாலேயே இந்த தீர்மானம் எடுக்கப்பட்டுள்ளதாக கல்வி அமைச்சர் அகிலவிராஜ் காரியவசம் மேலும் குறிப்பிட்டுள்ளார்.