யாழ் இந்துக் கல்லூரியில் இரத்ததான முகாம்-

யாழ்ப்பாண இரத்த வங்கியில் ஏற்பட்டிருக்கும் இரத்த தட்டுப்பாட்டினை அடுத்து நாளை அதாவது 08.02.2015 ஞாயிற்றுக்கிழமை காலை 09.00 மணிமுதல் மாலை 02.00 மணிவரை யாழ் இந்துக் கல்லூரியில் இரத்ததான முகாம் நடைபெறவுள்ளதாக ஒழுங்கமைப்பாளர்களான தமிழ் தேசிய இளைஞர் கழகம் தெரிவித்துள்ளது. இரத்ததானம் செய்ய விரும்பிய கொடையாளர்கள் நாளை மேற்படி இரத்ததான முகாமில் கலந்து கொள்ளமுடியும். அத்துடன் தமிழ் தேசிய இளைஞர் கழகத்தினால் இரத்ததானம் தொடர்பான விழிப்புணர்வு துண்டுப்பிரசுரங்களும் யாழில் பரவலாக மக்களுக்கு வழங்கப்படுகின்றமையும் குறிப்பிடத்தக்கது. இரத்ததானம் செய்ய விரும்பியவர்கள் ஒழுங்கமைப்பாளர்களுடன் தொடர்பு கொள்ள 076 6644 059, 077 0733 719, 077 5058 572, 071 880 9757, 075 7729 544 ஆகிய தொலைபேசி இலக்கங்களுடன் தொடர்பு கொள்ளமுடியும்.