கொட்டகலை தமிழ் வித்தியாலயத்திற்கு புளொட் ஜெர்மன் கிளை உதவி-
நுவரெலியா கொட்டகலை சென்ற் அன்றூஸ் தமிழ் வித்தியாலய மாணவர்களுக்கு நேற்றையதினம் (23.02.2015) பாடசாலை உபகரணங்கள் வழங்கிவைக்கப்பட்டுள்ளன. புளொட் அமைப்பின் ஜேர்மன் கிளைத் தோழர்களின் மலையக மக்களுக்கான நிதியுதவியிலிருந்து ஒரு தொகுதி நிதியின் ஊடாகவே மேற்படி பாடசாலை உபகரணங்கள் வழங்கிவைக்கப்பட்டுள்ளன. புளொட் தலைவரும், முன்னாள் பாராளுமன்ற உறுப்பினரும், வட மாகாணசபை உறுப்பினருமாகிய கௌரவ தர்மலிங்கம் சித்தார்த்தன் அவர்களின் ஏற்பாட்டில்; இவற்றை சமூக சேவையாளர் திரு. கெங்காதரன் அவர்கள் கொட்டகலை சென்ற் அன்றூஸ் தமிழ் வித்தியாலய அதிபர் திருமதி ஏ.என். குலேந்திரா அவர்களிடம் கையளித்துள்ளார். இந்நிகழ்வில் பாடசாலை அதிபர், ஆசிரியர்கள் மற்றும் மாணவர்களும் பங்கேற்றிருந்தனர்.