பிரான்ஸில் 26ஆவது வீரமக்கள் தினம் மற்றும் கறுப்பு ஜூலை தினம்-(படங்கள் இணைப்பு)

ploteதமிழீழ மக்கள் விடுதலைக் கழகம் (புளொட்) ஆண்டுதோறும் அனுஷ்டித்துவரும் வீரமக்கள் தினத்தின் 26ஆம் வருட நினைவுதின நிகழ்வும், கறுப்பு யூலையின் 32ஆம் ஆண்டு நினைவுதினமும் புளொட்டின் பிரான்ஸ் கிளையின் ஏற்பாட்டில் பிரான்ஸின் Metro Gallieni, La Girafe, 154 Avenue Gallieni, 93170 Bagnolet  என்னுமிடத்தில் எதிர்வரும் 26.07.2015 ஞாயிற்றுக்கிழமை பிற்பகல் 3.00மணிமுதல் 20.00 மணிவரை நடைபெற ஏற்பாடாகியுள்ளது.

தமிழ் மக்களின் விடுதலைப் போராட்டத்தில் தம் இன்னுயிரை ஈந்த கழகத் தோழர்கள், தலைவர்கள், அனைத்துப் போராளிகள் மற்றும் பொதுமக்களை நினைவுகூர்ந்து அவர்களுக்கு அஞ்சலி செலுத்தும் வகையில் வீரமக்கள் தினமும், வெலிக்கடைச் சிறையிலே 53 தமிழ் அரசியல் கைதிகள் படுகொலை செய்யப்பட்டமை, அதனைத் தொடர்ந்து நாட்டின் பல பிரதேசங்களிலும் தமிழ் மக்கள் படுகொலை செய்யப்பட்டமை என்பவற்றை நினைவுகூரும் வகையில் கறுப்பு யூலை நினைவு தினமும் அனுஷ்டிக்கப்படவுள்ளது.

26ஆவது வீரமக்கள்தின நிகழ்வின்போது கழகத்தின் செயலதிபர் அமரர் தோழர் க.உமாமகேஸ்வரன் மற்றும் மறைந்த தோழர்களின் உருவப்படங்களுக்கு மலராஞ்சலி செலுத்தப்பட்டு மௌன அஞ்சலி செலுத்தப்படுவதுடன் அஞ்சலி உரையும் இடம்பெறவுள்ளதோடு, கறுப்பு யூலை நினைவுதின நிகழ்வும், நினைவுரையும் இடம்பெறவுள்ளது.

இந்நிகழ்வில் கலந்துகொண்டு உயிர்நீத்த நம் உறவுகளுக்கு அஞ்சலி செலுத்துமாறு அன்புடன் அழைக்கின்றோம்.

பிரான்ஸ் கிளை சார்பாக
0652388554 0753749321 0753265173

umah ninaivillam