வட்டுக்கோட்டை இந்து வாலிபர் சங்கத்தினால் துவிச்சக்கர வண்டிகள் அன்பளிப்பு-(படங்கள் இணைப்பு)

கிளிநொச்சியில் வைத்து வட்டுக்கோட்டை இந்து வாலிபர் சங்கத்தால் கிளிநொச்சி மற்றும் முல்லை மாணவர்களக்கு 63000 ரூபா பெறுமதியான 6 துவிசக்கரவண்டிகள் இன்று அன்பளிப்பாக வழங்கப்பட்டுள்ளன. இம் மாணவர்கள் வட்டுக்கோட்டை இந்து வாலிபர் சங்கத்துக்கு விடுத்த வேண்டுகோளை தொடர்ந்து கனடாவில் வசிக்கும் தங்கராஜா முகுந்தன் என்பவரால் வழங்கிய நிதியில் இருந்து இவ் துவிச்சக்கரவண்டிகள் அன்பளிப்பாக வழங்கப்பட்டுள்ளன. இத் தருணத்தில் மாணவர்களின் வேண்டுகோளை ஏற்று அவர்களுக்கு துவிச்சக்கர வண்டிகளை அன்பளிப்பாக வழங்கிய புலம்பெயர் உறவான த.முகுந்தன்(கனடா) அவர்களுக்கு வட்டுக்கோட்டை இந்து வாலிபர் சங்கத்தின் நன்றிகளை தெரிவித்துக் கொள்கின்றோம். இதன்படி உருத்திரபுரம் மகா வித்தியாலய மாணவி – டானியல் றோஜினி, குரவில் தமிழ் வித்தியாலய மாணவி – தமிழினி, உடையார்கட்டு அ.த.கலவன் பாடசாலை மாணவி – கலைநிலா, முள்ளியவளை கலைமகள் வித்தியாசாலை மாணவி – கவியரசி, கிளிநொச்சி கோணாவில் மாகாவித்தியாலய மாணவிகளான – இ.லிவனசிகா மற்றும் இக.சுடர்வாணி ஆகியொர்க்கே மேற்படி துவிச்சசக்கரவண்டிகள் அவர்களது வேண்டுகோளுக்கு அமைவாக வழங்கப்பட்டுள்ளன. (வட்டு இந்து வாலிபர் சங்கம்)