Wushu Sanda தேசிய மட்ட போட்டியில் மகேந்திரராஜா பிரவீந்த் வெண்கலப் பதக்கம் வென்றார்-(படங்கள் இணைப்பு)-
மாத்தறை உள்ளக விளையாட்டரங்கில் இம்மாதம் 16ஆம் 17ஆம் திகதிகளில் நடைபெற்ற 42ஆவது தேசிய விளையாட்டு விழாவில் (2016) Wushu Sanda போட்டியில் திரு. மகேந்திரராஜா பிரவீந்த் அவர்கள் வடமாகாணம் – வவுனியா மாவட்டம் சார்பாக வெண்கலப் பதக்கத்தை வென்றுள்ளார். இதன்படி Wushu Sanda போட்டியிலே முதன் முறையாக வட மாகாணத்திற்கான தேசிய மட்ட பதக்கத்தினை இவரே பெற்றுக்கொடுத்துள்ளார்.
இவர் 2016 மாகாணமட்ட தேசிய மட்ட ஜூடோ (Judo) போட்டியில் வெள்ளிப் பதக்கத்தையும், 2016 மாகாண மட்ட மல்யுத்தப் (Wrestling) போட்டியில் வெள்ளிப் பதக்கத்தையும் பெற்றிருந்தார். மேலும் 2016 அம்பேபுஸ்ஸ சிங்க ரெஜிமென்ட் உள்ளக விளையாட்டரங்கில் நடைபெற்ற தேசிய மட்ட Wushu Sanda போட்டியில் இவர் தங்கப் பதக்கம் பெற்றிருந்தார் என்பதும் இங்கு சுட்டிக்காட்டத்தக்கது.
