அந்தவகையில் 1984ல் முதலாவது கறுப்பு ஜுலை நினைவுநாளை லண்டனில் எழுச்சியுடன் ஏனைய இயக்க தோழர்களுடன் இணைந்து நடாத்தியதை இந்நேரத்தில் நினைவுகூர்கின்றோம்.

தமிழ் மக்களின் விடிவிற்காக நேரகாலம்பாராது தன்னை ஈடுபடுத்திய தோழர் ஜெயம் ஆயுதப்போராட்டம் முடிவுக்கு வந்தபின்னரும்கூட எமது மக்களின் வாழ்வாதாரத்தை மீளக் கட்டியெழுப்புவதில்; மிகுந்த அர்ப்பணிப்போடு செயற்பட்டு வந்தார். தமிழ் மக்களின் பிரச்சனைகளுக்கு நீதியான ஒரு நிரந்தர அரசியல்த் தீர்வை எட்டுவதே தங்கள் இன்னுயிர்களை ஈந்த அனைத்து இயக்கப் போராளிகளுக்கும் நாம் செலுத்தும் உண்மையான அஞ்சலியாக இருக்குமென அடிக்கடி கூறும் தோழர் ஜெயம், கடுமையாக நோய்வாய்ப்பட்டிருந்தபோதிலுங்கூட மக்கள் பணியிலே மிகவும் அக்கறையோடு செயற்பட்டு தனது இறுதி மூச்சுவரை கழகப் பணிகளில் தன்னை முழுமையாக அர்ப்பணித்திருந்தவர்.

கொக்குவில் இந்துக் கல்லூரி, யாழ். இந்துக் கல்லூரி ஆகியவற்றின் பழைய மாணவரான தோழர் ஜெயம், யாழ் இந்துக் கல்லூரியின் பழைய மாணவர் சங்க செயலாளராக இருந்து பாடசாலையின் முன்னேற்றத்திற்காக பல நடவடிக்கைகளை ஆர்வத்துடன் எடுத்து வந்தவர்.
அவரது இழப்பு கழகத்திற்கு மாத்திரமல்ல, எமது சமூகத்திற்கும் உண்மையிலேயே ஒரு பேரிழப்பாகும்.

அன்னாரின் பிரிவால் துயருற்றிருக்கும் குடும்பத்தினர், உறவினர் மற்றும் நண்பர்களோடு புளொட் அமைப்பினராகிய நாமும் இப்பெருந்துயரினை பகிர்ந்து கொள்வதோடு அன்னாருக்கு எமது அஞ்சலிகளை காணிக்கையாக்குகின்றோம்.

தமிழீழ மக்கள் விடுதலைக் கழகம் (PLOTE)
ஜனநாயக மக்கள் விடுதலை (DPLF)