வவுனியா கோவில்குளத்தைச் சேர்ந்த திரு கி.சங்கர் அவர்கள் தொகுத்து எழுதிய “வெற்றிக்கு வழிகாட்டி” எனும் பொது அறிவு சார்ந்த நூல் வெளியீட்டு விழா வவுனியா கோவில்குளம் இந்துக் கல்லூரியின் சரஸ்வதி மண்டபத்தில் கல்லூரி முதல்வர் திரு ரி.பூலோகசிங்கம் அவர்களின் தலைமையில் 17.02.2017 வெள்ளிக்கிழமை வெகு சிறப்பாக நடைபெற்றது.

நூல் வெளியீட்டு விழாவின் பிரதம அதிதியாக வட மாகாண சபை உறுப்பினர் கௌரவ ஜி.ரி.லிங்கநாதன் அவர்கள் கலந்து கொண்டிருந்தார். சிறப்பு அதிதிகளாக கோவிக்குளம் இந்துக் கல்லூரியின் ஓய்வுபெற்ற அதிபர் கலாபூசணம் க.சிவஞானம் அவர்களுடன் ஓய்வுபெற்ற அதிபர் திரு சி.வையாபுரிநாதன் அவர்களும் கலந்துகொண்டார்கள். நிகழ்வில் கௌரவ அதிதியாக வவுனியா நகர சபையின் முன்னாள் உப நகர பிதா திரு க.சந்திரகுலசிங்கம்(மோகன்) அவர்களும் கலந்து சிறப்பித்திருந்தார்.