ஐ.நா மனித உரிமைகள் பேரவையில், 2015 ஒக்டோபரில் நிறைவேற்றப்பட்ட தீர்மானத்தை நடைமுறைப்படுத்துவதற்கு, இலங்கைக்கு கால அவகாசம் வழங்கப்பட வேண்டும் என பிரித்தானியா கோரியுள்ளது.
ஐ.நா மனித உரிமைகள் பேரவையில் நேற்று உரையாற்றிய, பிரித்தானியாவின், வெளிவிவகார மற்றும் கொமன்வெல்த் பணியகத்தின் ஆசிய, பசுபிக் விவகாரங்களுக்கான அமைச்சர் அலோக் சர்மா இக் கோரிக்கையை முன்வைத்துள்ளார். 2015 அக்ரோபர் தீர்மானத்தை நடைமுறைப்படுத்த, இலங்கைக்கு நாம் காலஅவகாசம் வழங்க வேண்டும். உறுதிநிலை, நல்லிணக்கம், நீதியை நிலைநாட்டுவதற்கு போருக்குப் பிந்திய நடவடிக்கைகள் எடுக்கப்பட வேண்டும். என்றும் அவர் தனது உரையில் குறிப்பிட்டுள்ளார். பேரவையில் உரையாற்றிய பின்னர், வெளிவிவகார அமைச்சர் மங்கள சமரவீரவை, பிரித்தானிய அமைச்சர் அலோக் பிரசாத் சந்தித்துப் பேச்சு நடத்தியுள்ளார். இதன்போது, உறுதிநிலை, நல்லிணக்கம், நீதியை நிலைநாட்டுவதற்கு எடுக்கப்பட வேண்டிய போருக்குப் பிந்திய நடவடிக்கைகள் தொடர்பாக கலந்துரையாடப்பட்டதாக தெரிவிக்கப்படுகிறது.