Header image alt text

ஜப்பானின் வெளிவிவகார அமைச்சர் தாரோ கொனோ உத்தியோகபூர்வ விஜயமொன்றை மேற்கொண்டு இலங்கை வந்துள்ளார்.

நேற்று இரவு 9.15 மணியளவில் ஜப்பான் நாட்டுக்கு சொந்தமான சிறப்பு விமானம் மூலம் ஜப்பான் வெளிவிவகார அமைச்சர் கட்டுநாயக்க வந்தடைந்துள்ளார். அவருடன் 24 பேர் அடங்கிய தூதுக்குழுவினரும் வருகை தந்துள்ளனர். இவர்கள் பல்வேறு முக்கிய சந்திப்புக்களை மேற்கொள்ளவிருப்பதாக தெரியவருகின்றது.

மாலபே தனியார் மருத்துவ கல்லூரியை இரத்துச் செய்து அரசாங்கத்தின் கீழ் இலாபமற்ற 2 நிறுவனங்களாக நடாத்திச் செல்லும் உடன்படிக்கையில் கைச்சாத்திடப்பட்டுள்ளது.

இதன்படி சைட்டம் நிறுவனத்தை கலைக்கும் நடவடிக்கைகளை பூரணப்படுத்துவதற்காக, இலங்கை தகவல் தொழில்நுட்ப நிறுவனத்துடன் அரசாங்கம் புரிந்துணர்வு ஒப்பந்தம் ஒன்றில் கைச்சாத்திட்டுள்ளது. சைட்டம் மற்றும் சிறீலங்கா தகவல் தொழிநுட்ப நிறுவனங்களுக்கு(SLIIT) இடையில் இவ்வாறு கைச்சாத்து இடம்பெற்றுள்ளது. Read more

கொழும்பில் காணப்படுகின்ற சாலைப் போக்குவரத்து நெரிசலுக்கு தீர்வாக நிர்மாணிக்கப்பட்ட ராஜகிரிய மேம்பாலம் எதிர்வரும் 08ம் திகதி திறந்து வைக்கப்பட உள்ளது. ஜனாதிபதி மைத்திரிபால சிறிசேனவினால் இந்த மேம்பாலம் திறந்து வைக்கப்பட உள்ளதாக ஜனாதிபதி ஊடகப் பிரிவு கூறியுள்ளது.

அந்த மேம்பால வீதியின் நிர்மாணப் பணிகள் இந்த ஆண்டு இறுதிப் பகுதியில் நிறைவடைய இருந்த போதிலும் 11 மாத காலத்தில் நிர்மாணப் பணிகளை நிறைவு செய்யுமாறு ஜனாதிபதியினால் ஆலோசனை வழங்கப்பட்டிருந்தது. நான்கு வாகன ஓடுபாதைகளை கொண்டுள்ள இந்த வீதி 534 மீற்றர் நீளமுடையது என்பதுடன், 150 மீற்றர் நீளமுடைய பிரவேச மார்க்கத்தையும் கொண்டுள்ளது. Read more