கிளிநொச்சி மாவட்டத்தின் பூநகரி பிரதேச செயலப் பிரிவுக்குட்பட்ட கிராஞ்சியில் கிராஞ்சி செல்சிற்றி விளையாட்டுக் கழகத்தினருக்கு விளையாட்டு உபகரணங்களுக்கான உதவியாக ரூபாய் 50 ஆயிரம் வழங்கிவைக்கப்பட்டுள்ளது.

இலண்டனில் வதியும் திரு. தர்மலிங்கம் நாகராஜா(பொக்கன்) அவர்களின் இந்த நிதியுதவியினை நேற்றுமுன்தினம் (01.02.2019) ஜனநாயக மக்கள் விடுதலை முன்னணி(புளொட்)யின் பொருளாளரும், வடமாகாண முன்னாள் விவசாய அமைச்சருமான க.சிவநேசன்(பவன்) அவர்கள் வழங்கிவைத்தார். கிராஞ்சி அ.த.க பாடசாலை மைதானத்தில் நடைபெற்ற இந்நிகழ்வில் கொடையாளி த.நாகராஜா, கட்சியின் தேசிய அமைப்பாளர் த.யோகராஜா(யோகன்)பிரதேச சபை உறுப்பினர்), கட்சியின் செயற்குழு உறுப்பினர்கள் வே.சிவபாலசுப்பிரமணியம், க.மகேந்திரன், தொண்டர் அமைப்பின் பிரதிநிதி யசோதரன், வேரவில், கிராஞ்சி பாடசாலைகளின் அதிபர்கள் கலந்து கொண்டிருந்தார்கள்.