வவுனியா – ஓமந்தை பிரதேசத்தில் நேற்று இரு குழுக்களுக்கு இடையில் இடம்பெற்ற மோதலில் இருவர் காயமடைந்து மருத்துவமனையில் அனுமதிக்கப்பட்டுள்ளதுடன், சம்பவம் தொடர்பில் ஒருவர் கைது செய்யப்பட்டுள்ளார்.

வாய்த்தர்க்கமே இந்த மோதலுக்கான காரணம் என காவற்துறையினர் தெரிவித்துள்ளனர். அத்துடன் இந்த மோதலின் போது உந்துருளிகள் இரண்டு தீயிட்டு கொளுத்தப்பட்டதாக கூறப்படுகின்றது. இந்த சம்பவம் தொடர்பில் மேலும் சிலர் கைது செய்யப்படவுள்ள நிலையில், விசாரணைகள் முன்னெடுக்கப்படுவதாக ஓமந்தை காவற்துறையினர் தெரிவித்துள்ளனர்.