Header image alt text

தந்தை செல்வாவின் சிரார்த்ததின நிகழ்வு இன்று யாழ்ப்பாணத்தில் இடம்பெற்றது. இதில் தந்தை செல்வா அறங்காவல் சபையின் தலைவர் வணக்கத்திற்குரிய ஜெபநேசன் அடிகள்,  கௌரவ பாராளுமன்ற உறுப்பினர்களான தமிழரசுக் கட்சியின் தலைவர் திரு.மாவை சேனாதிராஜா, புளொட் அமைப்பின் திரு.தர்மலிங்கம் சித்தார்த்தன்,

திரு.சரவணபவன், டெலோ அமைப்பின் தவிசாளர் திரு.சிவாஜிலிங்கம் மற்றும் வடக்கு மாகாணசபையின் தவிசாளர் திரு. சி.வீ.கே.சிவஞானம், யாழ் மாநகர முதல்வர் திரு.ஆனோல்ட், முன்னாள் மாகாணசபை உறுப்பினர்களான பா.கஜதீபன், பரஞ்சோதி, மற்றும் வலிதென்மேற்கு பிரதேசசபையின் தவிசாளர் ஜெபநேசன் மேலும் பிரதேச சபைகளின் உறுப்பினர்கள், Read more

கல்முனை சாய்ந்தமருது பகுதியில் தற்போது பாதுகாப்பு தரப்பினருக்கும், குழு ஒன்றுக்கும் இடையில் துப்பாக்கி சண்டை இடம்பெற்றுள்ளது. அங்கு சுற்றிவளைப்பு சோதனையில் ஈடுபட்டிருந்த பாதுகாப்பு தரப்புக்கும், அடையாளம் தெரியாத குழு ஒன்றுக்கும் இடையில் இந்த மோதல் இடம்பெற்றுள்ளது.
இதன்போது, பாதுகாப்பு படையினரை நோக்கி துப்பாக்கிப்பிரயோகம் மேற்கொள்ளப்பட்டுள்ள நிலையில், மூன்று வெடிப்பு சம்பவங்கள் பதிவாகியுள்ளன. குறித்த வீட்டில் மறைந்திருக்கும் தற்கொலை குண்டுதாரிகள் குறித்த வெடிப்புக்களை மேற்கொண்டிருக்கக்கூடும் என பாதுகாப்பு படையினர் சந்தேகிக்கின்றனர்.

Read more

தேசிய பாதுகாப்பு சபை ஜனாதிபதி கௌரவ மைத்ரிபால சிறிசேன அவர்களின் தலைமையில் இன்று பிற்பகல் ஜனாதிபதி செயலகத்தில் ஒன்றுகூடியது.

இதன்போது தேசிய பாதுகாப்பிற்கு அச்சுறுத்தலான பல நபர்களும் பெருமளவு வெடிப் பொருட்களும் கைப்பற்றப்பட்டுள்ளதாக தெரிவிக்கப்பட்டுள்ளது. பயங்கரவாதிகள் மீண்டும் நிறுவனமயப்படுவதற்கு எந்த வகையிலும் இடமளிக்காது இந்த பயங்கரவாத இயக்கத்தை நாட்டிலிருந்து முற்றாக ஒழித்துக்கட்டும் ஒருங்கிணைந்த நடவடிக்கையை தொடர்ச்சியாகவும் பலமாகவும் முன்னெடுக்குமாறு ஜனாதிபதி அவர்கள் இதன்போது பாதுகாப்பு துறையினருக்கு பணிப்புரை விடுத்தார். Read more

யாழ். சங்குவேலி ஸ்ரீ அம்பாள் சனசமூக நிலைய சிக்கன கடன் கூட்டுறவுச் சங்க பரிசளிப்பு விழா நிகழ்வில் சிக்கன கடன் கூட்டுறவு வங்கியின் முகாமையாளர் திரு. சிவநாயகம், உடுவில் பிரதேச சபை சனசமூக நிலைய உத்தியோகஸ்தர் திருமதி. மலர்மகள் தயாபரன்,

பிரதேச செயலக நிர்வாக உத்தியோகஸ்தர் திரு. சிறீஸ்கந்தராஜா. உடுவில் பிரதேச சபை உறுப்பினர் திரு.திருமுருகராஜன், புளொட் தலைவரும் பாராளுமன்ற உறுப்பினருமான கௌரவ தர்மலிங்கம் சித்தார்த்தன் ஆகியோர் கலந்து சிறப்பித்ததுடன் பரிசில்களையும் வழங்கி வைத்தனர். Read more

புதிய பிரதம நீதியராக சட்டமா அதிபர் ஜயந்த ஜயசூரியவை நியமிக்க அரசியலமைப்பு சபை இன்று அனுமதி வழங்கியுள்ளது. சபாநாயகர் கரு ஜயசூரிய தலைமையில் அரசியலமைப்பு சபை இன்று முற்பல் நாடாளுமன்ற கட்டிடத் தொகுதியில் கூடியது.

இதன்போது, சட்டமா அதிபர் ஜயந்த ஜயசூரியவின் பெயரை அரசியலமைப்பு சபை ஏகமனதாக தெரிவு செய்துள்ளது. இதனிடையே, புதிய கணக்காய்வாளர் நாயகமாக மேலதிக கணக்காய்வாளராக செயற்பட்ட சூலந்த விக்ரமரத்னவை நியமிக்கவும் அரசியலமைப்பு பேரவை அனுமதியளித்துள்ளதாக சபாநாயகர் அலுவலகம் தெரிவித்துள்ளது.

பாதுகாப்புச் செயலாளராகப் பதவி வகித்த ஹேமசிறி பெர்ணான்டோ, நேற்றைய தினம் தனது பதவியை இராஜினாமா செய்ததை அடுத்து, பதில் பாதுகாப்புச் செயலாளராக, துசித்த வணிகசிங்க நியமிக்கப்பட்டுள்ளார்.

ஜனாதிபதி மைத்திரிபால சிறிசேனவினால், இந்த நியமனம் வழங்கப்பட்டுள்ளது. இதேவேளை பாதுகாப்பு செயலாளர் பதவியிலிருந்து ஹேமசிறி பெர்னாண்டோ இராஜினாமா செய்துள்ளார். ஜனாதிபதியை சந்தித்து கலந்துரையாடியதன் பின்னர் தாம் பதவியை இராஜினாமா செய்ய தீர்மானித்ததாக அவர் கூறியுள்ளார். Read more

சைனா ஈஸ்டன் விமான சேவை கொழும்பு மற்றும் ஷாங்காய்க்கு இடையில் வாரத்திற்கு 4 முறை செயற்படுத்தப்பட்ட விமானப் பயணங்களை மே மாதம் 1ஆம் திகதி முதல் ரத்துச் செய்ய தீர்மானித்துள்ளது.

எவ்வாறாயினும் , கொழும்பு மற்றும் பீஜிங் இடையிலான விமான சேவை தொடர்ந்தும் இடம்பெறவுள்ளது. அதேபோல், சைனா சதர்ன் மற்றும் எயார் சைனா விமான சேவைகள் கொழும்பிற்காக தமது விமானப் பயணங்களை மட்டுப்படுத்துவது தொடர்பில் அவதானத்தை செலுத்தி வருவதாக குறித்த விமான சேவை நிறுவனங்களின் உள்ளூர் முகவர் நிறுவனங்கள் தெரிவித்துள்ளன.

எதிர்வரும் மாதம் 1ம் திகதி முதல் 39 நாடுகளுக்கு நடைமுறைப்படுத்தப்படவிருந்த விசா நிவாரணம் மறு அறிவித்தல் வரை இடைநிறுத்தி வைக்கப்பட்டுள்ளது. தற்போதைய பாதுகாப்பு நிலைமைகளை கருத்திற் கொண்டு இந்த நடவடிக்கை மேற்கொள்ளப்பட்டுள்ளதாக குடிவரவு, குடியகல்வு கட்டுபாட்டாளர் நாயகம் பசன் ரத்நாயக்க தெரிவித்தார்.

அதன்படி, வெளிநாட்டு நபர்கள் இந்நாட்டிற்கு வருவதற்கு முன்னர் விசாவினை பெற்றுக்கொள்ள வேண்டும். பரிந்துரைக்கப்பட்டிருந்த புதிய முறைமை ஊடாக விமான நிலையத்திலேயே விசாவினை பெற்றுக் கொண்டு நாட்டினுள் பிரவேசிக்க வாய்ப்பளிக்கப்பட்டிருந்தது. Read more

நாட்டில் இடம்பெற்ற தற்கொலை குண்டுத் தாக்குதல்களில், கொழும்பு ஷங்ரில்லா விருந்தகத்தில் தாக்குதல் மேற்கொண்ட தற்கொலை குண்டுதாரிக்கு சொந்தமான வெல்லம்பிட்டியில் உள்ள செப்பு தொழிற்சாலையின் கணக்காய்வாளர் கைது செய்யப்பட்டுள்ளார்.

குற்றப்புலனாய்வு திணைக்களத்தினரால் நேற்று மேற்கொள்ளப்பட்ட விசேட சுற்றிவளைப்பில் இந்தக் கைது இடம்பெற்றுள்ளது. கண்டியில், சந்தேகத்துக்குரிய கார் ஒன்று குற்றப்புலனாய்வு பிரிவினரால் கைப்பற்றப்பட்டது. Read more

மட்டக்களப்பு சீயோன் தேவலாயம் மீது தற்கொலை குண்டுத் தாக்குதலை நடாத்தியவர் புதிய காத்தான்குடியைச் சேர்ந்த முகமது நாசார் முகமது ஆசாத் அல்லது றில்வான் என அவரின் தாயார் அடையாளம் காண்பித்துள்ளதாகவும் தாயாரை நேற்று இரவு கைது செய்துள்ளதாக பொலிஸ் உயர் அதிகாரி ஒருவர் தெரிவித்தார்.

மட்டக்களப்பு தேவாலய குண்டு வெடிப்பு தொடர்பாக கொழும்பில் இருந்து மட்டக்களப்பிற்கு வந்துள்ள குற்றத்தடுப்பு பிரிவு மற்றும் பயங்கரவாத குற்றத் தடுப்பு பிரிவினர் தொட்ர்ந்து மேற்கொண்டு வந்த விசாரணையில், குறித்த தற்கொலை குண்டுதாரி தொடர்பாக றில்வானின் உறவினர்களால் இவர் றில்வான் தான் என அடையாளம் காணப்படாமல் இருந்து வந்துள்ளது. Read more