சட்டவிரோதமாக வௌிநாடு செல்ல முயற்சித்த 26 பேர் யாழ்ப்பாணம் வெற்றிலைக்கேணியில் கைது செய்யப்பட்டுள்ளனர். நேற்றிரவும் இன்று அதிகாலையும் மேற்கொள்ளப்பட்ட விசேட சுற்றிவளைப்புகளின் போது இவர்கள் கைது செய்யப்பட்டதாக இலங்கை கடற்படை தெரிவித்தது.

18 வயதிற்கு மேற்பட்ட 17 ஆண்களும் 4 பெண்களும் 18 வயதிற்கும் குறைந்த 5 சிறார்களும் கடற்படையினரால் கைது செய்யப்பட்டுள்ளனர்.

பூநகரி, உடுத்துறை, ஓட்டமாவடி மற்றும் வாழைச்சேனை ஆகிய பகுதிகளை சேர்ந்தவர்களே கைது செய்யப்பட்டுள்ளனர்.

கைது செய்யப்பட்டவர்களை மேலதிக சட்ட நடவடிக்கைகளுக்காக மருதங்கேணி மற்றும் யாழ்ப்பாணம் பொலிஸாரிடம் ஒப்படைத்துள்ளதாக இலங்கை கடற்படை தெரிவித்தது.