வெள்ளத்தால் சுமார் 5 இலட்சம் பேர் பாதிப்பு-
நாட்டின் பல பகுதிகளிலும் நிலவிவரும் மழையுடன் கூடிய காலநிலை காரணமாக 14 மாவட்டங்களில் ஒரு இலட்சத்து 24 ஆயிரத்து 369 குடும்பங்களைச் சேர்ந்த 4 இலட்சத்து 52 ஆயிரத்து 960 பேர் பாதிக்கப்பட்டுள்ளனர். 14 மாவட்டங்களிலும் 12,855 குடும்பங்களைச் சேர்ந்த 46,746 பேர் 205 முகாம்களில் தங்க வைக்கப்பட்டுள்ளனர். வெள்ளப்பெருக்குக் காரணமாக கிழக்கு மாகாணமே அதிகமாகப் பாதிக்கப்பட்டுள்ளது. இங்கு ஒரு இலட்சத்து 10 ஆயிரத்து 354 குடும்பங்களைச் சார்ந்த 4 இலட்சத்து 4 ஆயிரத்து 609 பேரும் பாதிக்கப்பட்டுள்ளனர். இங்கு 96 தற்காலிக முகாம்கள் அமைக்கப்பட்டுள்ளன. இவற்றில் 9 ஆயிரத்து 354 குடும்பங்களைச் சேர்ந்த 33 ஆயிரத்து 276 பேர் தங்கவைக்கப்பட்டுள்ளனர். Read more
புதிய அரசியலமைப்பு பிரவேசத்திற்கு தயார் என ஜனாதிபதி மஹிந்த ராஜபக்ஸ தெரிவித்துள்ளார். எதிர்வரும் ஜனாதிபதித் தேர்தலை முன்னிட்டு ‘மஹிந்த சிந்தனை உலகை வெல்லும் வழி’ என்ற தலைப்பிலான தேர்தல் விஞ்ஞாபனத்தை வெளியிடும் நிகழ்வில் கலந்துகொண்டு உரையாற்றியபோதே ஜனாதிபதி இதனைக் கூறியுள்ளர். ஜனாதிபதி வேட்பாளர் மஹிந்த ராஜபக்ஸவின் தேர்தல் விஞ்ஞாபனத்தை வெளியிடும் நிகழ்வு, கொழும்பு பண்டாரநாயக்க ஞாபகாரத்த சர்வதேச மாநாட்டு மண்டபத்தில் இன்று நடைபெற்றது. ஜனாதிபதி மஹிந்த ராஜபக்ஸ அங்கு உரையாற்றினார், இதன்போது அவர், இலங்கை அரசியல் வரலாற்றில் தேர்தல் வாக்குறுதி என்பது சில மாதங்களில் மறந்துபோகும் ஆவணம் மாத்திரமே. மஹிந்த சிந்தனை என்பது 
ஜனாதிபதி தேர்தலை முன்னிட்டு உத்தியோகபூர்வ அஞ்சல்மூல வாக்களிப்பு நாடு முழுவதும் இன்றும் நாளையும் நடத்தப்படுகின்றது. அஞ்சல்மூலம் வாக்களிக்க தகுதி பெற்றவர்கள் அரசாங்க அலுவலகத்தில் காலை 7 மணிமுதல் மாலை 4 மணிக்குள்ளாக தமது அஞ்சல் வாக்கினை செலுத்த முடியுமென அறிவிக்கப்பட்டுள்ளது. இம்முறை 5 இலட்சத்து 45 ஆயிரம் வாக்காளர்கள் அஞ்சல் மூலம் வாக்களிக்க தகுதி பெற்றுள்ளனர். தமது வாக்காளர் தொகுதியிலிருந்து இடமாற்றம் பெற்று வேறொரு பிரதேசத்தில் பணிபுரியும் அரச உத்தியோகத்தர்கள், முப்படையினர், பொலிஸார், தேர்தல் திணைக்கள அதிகாரிகள் மற்றும் தேர்தல் கடமைகளில் ஈடுபடும் அரசாங்க உத்தியோகத்தர்களுக்காக மேற்படி இரு தினங்களிலும் அஞ்சல் மூல வாக்களிப்பு நடத்தப்படுகின்றது. இவ்வருடம் ஜனாதிபதி தேர்தலில் அஞ்சல் மூலம் வாக்களிப்பதற்காக பலர் விண்ணப்பித்திருந்தபோது பல்வேறு காரணங்களுக்காக சில விண்ணப்பங்கள் தேர்தல்கள் திணைக்களத்தினால் நிராகரிக்கப்பட்டனர். அஞ்சல் மூல வாக்களிப்பு நடத்தப்படும் அரச அலுவலகத்தின் பாதுகாப்பு உறுதி செய்யப்பட்டுள்ளதுடன் வாக்காளர்கள் அடையாளமிடும் சின்னம் பிறர் அறியாத வகையில் இரகசியமாக பேணப்படுமெனவும் தேர்தல்கள் ஆணையாளர் மஹிந்த தேசப்பிரிய தெரிவித்துள்ளார். இதேவேளை தவிர்க்க முடியாத காரணத்தினால் இன்றும் நாளையும் வாக்களிக்க தவறியவர்கள் 30ஆம் திகதி தமது அலுவலகம் அமைந்துள்ள மாவட்ட தெரிவத்தாட்சி அலுவலகத்தில் வாக்களிக்க முடியும். பொலிஸ் உத்தியோகத்தர்களுக்கு எதிர்வரும் 26ஆம் திகதியன்றும் தேர்தல் அதிகாரிகளுக்கு 30 ஆம் திகதியன்றும் அஞ்சல்மூல வாக்களிப்பு நடத்தப்படும்.
மண்சரிவு அபாயம் காரணமாக நுவரெலியா – ராகலை தியனில்ல பகுதி 60 குடும்பங்களை சேர்ந்த 100ற்கும் மேற்பட்ட மக்கள் இடம்பெயர்ந்துள்ளதாக நுவரெலியா மாவட்ட அனர்த்த முகாமைத்துவ நிலையம் தெரிவிக்கின்றது. கன மழை காரணமாக தியனில்ல தோட்டத்தில் மண்சரிவு அபாயம் ஏற்பட்டுள்ளதனால் இவர்களை தோட்ட கோவில்களில் தங்க வைப்பதற்கு நடவடிக்கை எடுத்துள்ளதாக நுவரெலியா மாவட்ட செயலாளர் டீ.பீ.ஜீ.குமாரசிரி தெரிவித்துள்ளார். இந்த பகுதியில் பல வருடங்களுக்கு முன்பு நிலம் வெடித்து மண்சரிவு அபாயம் ஏற்பட்டிருந்ததோடு அவர்களுக்கு வீடுகள் கட்டிக்கொடுக்க தீர்மானம் எடுத்த போதும் அந்த தீர்மானம் இன்று வரை நடைபெறாததால் மக்கள் இவ்வாறான அசௌகரியங்களுக்கு முகம் கொடுக்க நேரிட்டுள்ளது. இந்த 60 குடும்பங்களை சேர்ந்த 100ற்கும் மேற்பட்ட மக்களுக்கு உணவு, மற்றும் அடிப்படை வசதிகளை பெற்றுக்கொடுக்க நடவடிக்கை எடுக்கப்பட்டுள்ளதாக மாவட்ட செயலாளர் டீ.பீ.ஜீ.குமாரசிரி மேலும் குறிப்பிட்டுள்ளார்.
யாழ். கோண்டாவில் கிழக்கு ஸ்ரீ அற்புதநர்த்தன விநாயகர் சனசமூக நிலையம் மற்றும் குமரன் விளையாட்டுக் கழகத்தினது உயர்த்தும் கரங்கள் செயற்பாட்டின் ஊடாக புளொட் தலைவரும், முன்னாள் பாராளுமன்ற உறுப்பினரும், வட மாகாணசபை உறுப்பினருமாகிய திரு. தர்மலிங்கம் சித்தார்த்தன் அவர்களால் ஏற்பாடு செய்யப்பட்ட அக்கிராமத்தின் வறிய மாணவ, மாணவியர்க்கு கற்றல் உபகரணங்களை வழங்கிவைக்கும் நிகழ்வு நேற்று (21.12.2014) இடம்பெற்றது. ஸ்ரீ அற்புதநர்த்தன விநாயகர் சனசமூக நிலையத்தின் தலைவர் திரு. ம. சதீஸ்குமார் அவர்களின் தலைமையில் சனசமூகநிலைய மண்டபத்தில் இடம்பெற்ற மேற்படி நிகழ்வில் திரு. இ.கெங்காதரன் அவர்களும் சமூக சேவையாளர் திரு. ஜெயக்குமார் அவர்களும் மேலும் பல இளைஞர்களும் கலந்து சிறப்பித்திருந்தனர்.
எதிர்வரும் ஜனாதிபதி தேர்தலில் பொது எதிரணியின் ஜனாதிபதி வேட்பாளர் மைத்திரிபால சிறிசேனவிற்கு ஆதரவளிக்க அகில இலங்கை மக்கள் காங்கிரஸின் தலைவரும் அமைச்சருமான ரிசாத் பதியுதீன் மற்றும் பாராளுமன்ற உறுப்பின்னர் அமீர் அலி ஆகியோர் தீர்மானித்துள்ளனர். இன்றுபிற்பகல் இடம்பெற்ற ஊடகவியலாளர் மாநாட்டில் வைத்தே அவர்கள் இவ்வறிவிப்பை மேற்கொண்டுள்ளனர். இவர்கள் எதிர்கட்சித் தலைவர் அலுவலகத்திற்கு விஜயம் செய்து தமது ஆதரவினை தெரிவிததுள்ளனர். இவர்களது தீர்மானத்தை எதிர்கட்சித் தலைவர் ரணில் விக்ரமசிங்கவும் தெரிவித்துள்ளார். எதிரக்கட்சித் தலைவர் அலுவலகத்தில் நடைபெற்றுவரும் விசேட ஊடக சந்திப்பின்போதே எதிர்க்கட்சித் தலைவர் இதனைத் தெரிவித்துள்ளார்.
எதிரணியின் ஜனாதிபதி தேர்தல் பிரச்சார கூட்டம் ஐக்கிய தேசிய கட்சியின் பிரதான அமைப்பாளரும் மத்திய மாகாணசபை எதிர்க்கட்சி தலைவருமான மு.மு. பியதாச தலைமையில் நேற்று (21.12.2014) ஞாயிறு மாலை கினிகத்தேன திறந்தவெளி அரங்கில் நடைபெற்றது. இந்தக்கூட்டத்தில் பெருந்திரலான பொதுமக்களும், ஜனாதிபதி வேட்பாளரும் முன்னைய சுகாதார அமைச்சருமான மைத்திரிபால சிறிசேன அவர்களும், ஐக்கிய தேசிய கட்சியின் பிரதித்தலைவரும் பாராளுமன்ற உறுப்பினருமான கரு ஜயசூரிய, பாராளுமன்ற உறுப்பினர்களான, பாட்டாளே சம்பிக்க ரனவக்க, ஜனநாயக கட்சி தலைவர் ஜெனரல் சரத்பொன்சேகா அவர்களும், ஜனநாயக தேசிய முன்னணி தலைவரும் முன்னாள் மேல் மாகாண சபை உறுப்பினருமான கலாநிதி நல்லையா குமரகுரூபரன், புதிய தொழிலாளர் முன்னணியின் தலைவரும், ஜனநாயக தேசிய முன்னணியின் பிரதித்தலைரும், முன்னாள் மத்திய மாகாண சபை உறுப்பினருமான முரளி ரகுநாதன் அவர்களும், ஜனநாயக தொழிலாளர் முன்னணி தலைவர், ஆ.ளு. செல்லச்சாமி அவர்களும், பாராளுமன்ற உறுப்பினர்களான யோகராஜன், ராஜதுரை, ராதாகிருஸ்ணன்,மற்றும் பிரதேச சபை உறுப்பினர்களும், மாகாண சபை உறுப்பினர்களும், ஜக்கிய தேசிய கட்சி மற்றும் எதிர் அணி அமைப்பாளர்களும் கலந்து கொண்டு உரையாற்றியிருந்தனர்.
தமிழ் தேசியக் கூட்டமைப்பின் வன்னி மாவட்ட பிரதிநிதிகளின் கருத்தறிதல் கூட்டமொன்று இன்றுமுற்பகல் வவுனியா நகரசபை கலாசார மண்டபத்தில் நடைபெற்றது. வடகிழக்கு மாவட்டங்களில் தொடர்ந்து நடைபெற்று வருகின்ற கருத்திறயும் கூட்டத்தின் தொடர்ச்சியாகவே வவுனியா மாவட்டத்தில் இன்று இக்கூட்டம் நடைபெற்றுள்ளது. இக்கூட்டத்தில் தமிழ் தேசியக் கூட்டமைப்பின் தலைவர்கள் மற்றும் பாராளுமன்ற உறுப்பினர்கள் மாவை சேனாதிராஜா, செல்வம் அடைக்கலநாதன், தர்மலிங்கம் சித்தார்த்தன், சிவசக்தி ஆனந்தன், வினோ நோகராதலிங்கம் மற்றும் தமிழ் தேசியக் கூட்டமைப்பின் வடமாகாண சுகாதார அமைச்சர் ப.சத்தியலிங்கம் உட்பட மாகாணசபை உறுப்பினர்களும், பிரதேசசபைத் தலைவர்களும், பிரதேச சபை உறுப்பினர்களும் கலந்துகொண்டிருந்தார்கள். இதன்போது எதிர்வரும் ஜனாதிபதித் தேர்தல் தொடர்பாக தமிழ் தேசியக் கூட்டமைப்பு எடுக்கவிருக்கும் தீர்மானம் குறித்து விரிவாக கலந்துரையாடப்பட்டு அவர்களின் கருத்துக்களும் அறியப்பட்டது. அத்துடன் தமிழ் தேசியக் கூட்டமைப்பு மீண்டும்கூடி ஜனாதிபதித் தேர்தல் தொடர்பில் ஒரு முடிவினை எடுப்பது என்றும் தெரிவிக்கப்பட்டது.
இலங்கை கம்யூனிஸ்ட் கட்சி(இடது), புதிய ஜனநாயகக் கட்சி ஆகியவற்றின் ஸ்தாபகரும், தலைவருமான அமரர் தோழர் கே.ஏ. சுப்பிரமணியம் அவர்களின் 25ஆம் ஆண்டு சிரார்த்த தினத்தை முன்னிட்டு வெளியான லெனின் மதிவாணன் அவர்களின் சமூக இலக்கியத் தளங்களில் படைப்புக்களும், செயற்பாட்டாளர்களும் என்ற நூல் விமர்சன நிகழ்வு இன்று கொழும்பில் இடம்பெற்றது. பேராசிரியர் தை.தனராஜ் அவர்களின் தலைமையில் இடம்பெற்ற இந்நிகழ்வில் திரு ஆர் சங்கரமணிவண்ணன், மல்லிகைப்பூ சந்தி திலகர், எம். வாமதேவன், கலாநிதி ந.ரவீந்திரன் ஆகியோர் உரையாற்றினார்கள். இந்நிகழ்வின் பிரதம அதிதியாக திருமதி வள்ளியம்மை சுப்பிரமணியம் அவர்கள் கலந்து சிறப்பித்திருந்தார்.
பொது எதிரணியின் வேட்பாளர் மைத்திரி பால சிறிசேன நேற்று தனது தேர்தல் விஞ்ஞாபனத்துடன் 100 நாள் வேலைத்திட்டம் ஒன்றை முன்வைத்துள்ளார். அந்த 100 நாள் திட்டத்தில் செயற்படுத்தப்படும் பொருளாதார சமூகம் சார் செயற்பாடுகளின் விபரம் வருமாறு.
யாழ்.. புன்னாலைக்கட்டுவன் வடக்கு ஸ்ரீதுர்க்கா சனசமூக நிலைய முன்பள்ளி சிறுவர் பாடசாலைக்கான தளபாடங்கள் இன்று (19.12.2014) புளொட் தலைவரும், முன்னாள் பாராளுமன்ற உறுப்பினரும், வடக்கு மாகாணசபை உறுப்பினருமாகிய திரு. தர்மலிங்கம் சித்தார்த்தன் அவர்களால் வழங்கிவைக்கப்பட்டுள்ளது. திரு. தர்மலிங்கம் சித்தார்த்தன் அவர்களின் வட மாகாணசபை நிதியிலிருந்து 30,000 ரூபாய் பெறுமதியுடைய தளபாடங்களே இவ்வாறு வழங்கப்பட்டுள்ளது. ஸ்ரீதுர்க்கா சனசமூக நிலையத்தின் தலைவர் திரு. ரஞ்சன் அவர்களின் தலைமையில் நடைபெற்ற இந்நிகழ்வில் திரு கெங்கா அவர்கள் உள்ளிட்ட சனசமூக நிலைய நிர்வாகத்தினரும் கலந்துகொண்டு உரையாற்றினார்கள். இந்நிகழ்வின்போது நலன்விரும்பிகள் சிலரால் அன்பளிப்புச் செய்யப்பட்ட கற்றல் உபகரணங்களும் இக்கிராமத்தைச் சேர்ந்த பாடசாலைப் பிள்ளைகளுக்கு இன்று வழங்கிவைக்கப்பட்டது. திரு. கெங்கா அவர்களின் ஏற்பாட்டில் இதற்கான நிதி சேகரிக்கப்பட்டிருந்தது. அத்துடன் விடுமுறை நிறைவடைந்து மீண்டும் பாடசாலை ஆரம்பமாவதற்கு முன்பதாக இப்பிள்ளைகளுக்குத் தேவையான மேலும் பல உபகரணங்களையும் வழங்குவதற்கும் நடவடிக்கை எடுக்கப்பட்டுள்ளது. இன்றைய நிகழ்வில் மாணவர்களும், பெற்றோர்களும் நலன்விரும்பிகளும் என பலரும் பங்கேற்றிருந்தனர்.
