தமிழர் விடுதலைக் கூட்டணியின் வன்னி பிராந்திய தலைவர் ஜ.தே.கவில் இணைவு
தமிழர் விடுதலைக் கூட்டணியின் வன்னி பிராந்திய தலைவராக செயற்பட் இராஜ குகனேஸ்வரன் ஜக்கிய தேசியக்கட்சியில் இணைந்துகொண்டார். ஈ.பி.ஆர்.எல்.எவ் மற்றும் டெலோ ஆகியவற்றில் வன்னி மாவட்ட முன்னாள் நாடாளுமன்ற உறுப்பினராக இருந்த இவர், தமிழர் விடுதலைக்கூட்டணியின் வன்னி பிராந்திய தலைவராக அண்மைக்காலமாக செயற்பட்டு வந்திருந்த நிலையிலேயே தற்போது ஐ.தே.கவுடன் இணைந்துள்ளார். இவர் அண்மைக்காலமாக த.வி.கூ கட்சியின் செயற்பாடுகளில் இருந்து ஒதுங்கியிருந்தவர் ஐக்கிய தேசியக்கட்சியின் தலைவர் ரணில் விக்ரமசிங்க தலைமையில் அனுராதபுரத்தில் இன்று நடைபெற்ற வைபவத்தில் வைத்து அவர், இணைந்துகொண்டுள்ளார்.
எதிரணியின் ஜனாதிபதி தேர்தலுக்கான முதலாவது பிராச்சாரக் கூட்டம்
பொலனறுவையில் இன்று தனது முதலாவது தேர்தல் பிரச்சாரத்தை ஆரம்பித்துள்ள எதிரணியின் ஜனாதிபதி பொதுவேட்பாளர் மைத்திரிபால சிறிசேன, நாட்டிற்காக தனது உயிரையும் தியாகம் செய்ய தயார் என தெரிவித்துள்ளார். நாடாளுமன்றத்தில் மூன்றில் இரண்டு பெரும்பான்மையை வைத்துக்கொண்டு அரசாங்கம் நாட்டிற்கு என்ன செய்தது என இந்தப் பொதுக்கூட்டத்தில் அவர் கேள்வி எழுப்பினார்.
விவசாயிகளுக்கு ஓய்வூதியதிட்டத்தை முன்னெடுப்பதாக உறுதியளித்த அவர. தான் பதவிக்கு வந்ததும் அரச ஊழியர்களுக்கு வழங்கப்பட்டுள்ள மோட்டார் சைக்கிள் கடன்களை இரத்துச் செய்வதாகவும் தெரிவித்தார்.
அரசாங்கத்திலிருந்து தான் விலகியதன் காரணமாக ஐக்கிய மக்கள் சுதந்திரக்கூட்டமைப்பின் தேர்தல் பிரச்சார பொறிமுறை பாதிக்கப்பட்டுள்ளதாக தெரிவித்த அவர், ஜனாதிபதி மகிந்த ராஜபக்ச மூனடறாவது தடவையாக பதவிக்கு வந்தால் அவர் நிச்சயமாக சர்வாதிகாரியாகவே விளங்குவார் என்றார்.
விடுதலைப்புலிகள் என்னை கொலைசெய்ய முயன்றனர் என குறிப்பிட்ட அவர் தற்போது தன்னை அரசாங்கம் புலி என்கிறது என்றார்.
நான் நாட்டிற்காக உயிரை தியாகம் செய்ய தயாராகவுள்ளேன், பதவிக்குவந்தால், எவரையும் பழிவாங்காமல் கௌரவமாக நடத்துவேன், என்றும் மைத்திரிபால சிறிசேன குறிப்பிட்டார்.
நைஜீரிய பள்ளிவாசல் தற்கொலைத் தாக்குதல்
நைஜீரியாவில் வடக்கே, கானோ நகரில் 29.10.14 வெள்ளிக்கிழமை தொழுகையின்போது, முஸ்லிம் பள்ளிவாசல் மீது நடத்தப்பட்ட தாக்குதலில் 100க்கு மேற்பட்டோர் கொல்லப்பட்டுள்ளதாகவும் பல நூறு பேர் காயமடைந்துள்ளதாகவும் செய்திகள் கூறுகின்றன. வெள்ளிக்கிழமை வழமையான தொழுகை நேரத்தின் போது முதலாவது குண்டு கார் ஒன்றில் வைக்கப்பட்டு பள்ளிவாசலுள் தொழுகை நடத்திக்கொண்டிருந்த மக்களை நோக்கி ஓட்டிச் சென்று வெடிக்க வைக்கப்பட்டுள்ளதாக கூறப்படுகின்றது. அப்போது மக்கள் அங்கிருந்து தப்பி வெளியில் வர முயன்றபோது இரண்டாவது, மூன்றாவது குண்டுகளும் வெடித்துள்ளன. Read more
2011ஆம் ஆண்டு நடைபெற்ற உள்ளுராட்சி சபைத் தேர்தலிலே தமிழ் தேசியக் கூட்டமைப்பின் சார்பில் தமிழர் விடுதலைக் கூட்டணி சின்னத்தில் போட்டியிட்ட பச்சிலைப்பள்ளி பிரதேச சபையின் தலைவர் டொமினிக் அன்ரன் அவர்களை கட்சியிலிருந்து விலக்குவதாக தமிழர் விடுதலைக் கூட்டணி அறிவித்தது. அதற்கு எதிராக அவர் நீதிமன்றத்தில் வழக்குத்தாக்கல் செய்துள்ளார்.
யாழ். சுழிபுரம் திருவடிநிலைக்கு புளொட் அமைபபின் நோர்வே கிளை அமைப்பாளர் இராசசிங்கம் சிவராசா (ராஜன்) அவர்கள் நேற்று (27.11.2014) வியாழக்கிழமை விஜயம் செய்திருந்தார். இதன்போது அப்பகுதியில் அண்மையில் மீளக்குடியமர்ந்துள்ள மீன்பிடி மற்றும் கூலித் தொழில்களை பிரதான தொழிலாகக் கொண்ட மக்களது நிலைகள் தொடர்பிலும் அவர்களின் மீளக்குடியமர்வின் பின் அவர்களுக்கு கிடைக்கப்பட்ட உதவிகள் பற்றியும் விரிவாக ஆராய்ந்துள்ளார். இவ் நிலையில் இப் பகுதியினைப் பிரதிநிதித்துவப்படுத்தும் கடற்தொழிலாளர் அமைப்பினர் தாம் சுதந்திரமாக தொழில் செய்ய முடியது உள்ள நிலைமை பற்றி அமைப்பாளருக்கு தெரியப்படுத்தியதுடன் தமது அன்றாட வாழ்க்கையை கொண்டு செல்வதில் உள்ள இடர்நிலைகள் தொடர்பிலும் விளக்கினர். இவ் சந்திப்பின்போது அப் பகுதியில் நடைபெறும் வலி மேற்கு பிரதேச சபையால் மீளப் புனரமைக்கப்படும் வீதிகள் மற்றும் குடிநீர் திட்டங்களையும் புளொட் அமைப்பின் நோர்வே கிளையின் அமைப்பாளர் பார்வையிட்டுள்ளார்.
யாழ். சுழிபுரம் கல்விளான் காந்திஜி சனசமூக நிலையத்தில் கடந்த 26.11.2014 புதன்கிழமை அன்று மாலை 3மணியளவில் வலி மேற்கு பிரதேச சபைத் தவிசாளர் திருமதி.நாகரஞ்சினி ஐங்கரன் அவர்களின் தலைமையில் வேர்ள்ட் விஷன் நிறுவன உதவித்திட்டத்துடன் அப் பகுதி மக்களுக்கு வழங்கப்படவுள்ள வீட்டு அலகுகளிற்கான குடிநீர் இணைப்பு தொடர்பான மக்கள் கலந்துரையாடல் இடம்பெற்றது. மேற்படி கலந்துரையாடலில் வேர்ள்ட் விஷன் மாவட்ட திட்டப் பணிப்பளர் அன்டனி மற்றும் வலி மேற்கு பகுதிக்குரிய இணைப்பாளர் அலக்ஸ் ஆகியோரும் பிரதேச சபையின் சிரேஸ்ட தொழில்நுட்ப உத்தியோகஸ்தர் ம.சிவநாதன் மற்றும் தொழில் நுட்ப உத்தியோகஸ்தர் திரு.ச.புலேந்திரன் அப் பகுதி கிராம உத்தியோகஸ்தர் திரு தீசன் ,சமுர்த்தி உத்தியோகஸ்தர் திரு சுகந்தன் மற்றும் ஏராளமான பொது மக்களும் கலந்து சிறப்பித்திருந்தனர். இவ் திட்டம் தொடர்பில் தவிசாளர் திருமதி.நாகரஞ்சினி ஐங்கரன் அவர்கள் குறிப்பிடுகையில், இவ் திட்டம் நிறைவேறும் சந்தர்ப்பத்தில் இக் கிராமத்திலுள்ள அனைத்து வீடுகளுக்கும் சுத்தமான குடிநீர் பெற்றுக் கொள்ளக்கூடிய நிலை ஏற்படும் என்பதோடு இப் பகுதி மக்களது வாழ்க்கைத் தரத்திலும் மாற்றஙகள் ஏற்பட வழி ஏற்படும் என்றார். இவ் திட்டம் நிறைவேறவேண்டும் என்பது தனது மிக நீண்ட கால கனவு எனவும் அவர் குறிப்பிட்டார்
தொடர்ந்து பெய்த கடும் மழையினால் மன்னார் மாவட்டத்தில் இதுவரை 1,428 குடும்பங்கள் வரை இடம்பெயர்ந்துள்ளதாக மாவட்ட அனர்த்த முகாமைத்துவப் பிரிவு அறிவித்துள்ளது. இதன்படி மன்னார் பிரதேச செயலக பிரிவில் 758 குடும்பங்களை சேர்ந்த 2903பேரும், நானாட்டான் பிரதேச செயலக பிரிவில் 12 குடும்பங்களை சேர்ந்த 41 பேரும், மாந்தை மேற்கு பிரதேச செயலக பிரிவில் 658 குடும்பங்களை சேர்ந்த 2714 பேரும் இடம்பெயர்ந்த நிலையில் இடைத்தங்கல் முகாம்களில் தங்கவைக்கப்பட்டுள்ளனர். அத்துடன் மன்னார் மாவட்டத்திலிருந்து வெளி மாவட்டங்களுக்கான சகல வெளிப் போக்குவரத்துக்களும் இன்றுகாலை 10மணியுடன் முடக்கப்பட்டுள்ளது. மேலும் வெள்ளத்தால் பாதிக்கப்பட்ட மக்களுக்கான நிவாரணப் பொருட்களை புத்தளத்திலிருந்து படகில் கொண்டுசெல்ல நடவடிக்கை எடுக்கப்பட்டுள்ளது. 
மரண தண்டனை விதிக்கப்பட்ட இலங்கை மீனவர்கள் மூவரையும் விடுதலை செய்யுமாறு தமிழ் தேசியக் கூட்டமைப்பு அரசாங்கத்திடம் கோரிக்கை விடுத்துள்ளது போதைப் பொருள் கடத்தலில் ஈடுபட்ட குற்றச்சாட்டின்பேரில் ஐந்து இந்தியர்கள் உள்ளிட்ட எட்டு பேருக்கு இலங்கை நீதிமன்றம் மரண தண்டனை விதித்திருந்தது. இதில் ஐந்து இந்திய மீனவர்கள் அண்மையில் ஜனாதிபதியின் பொது மன்னிப்பு அடிப்படையில் விடுதலை செய்யப்பட்டனர். எஞ்சியுள்ள இலங்கை மீனவர்கள் மூவரையும் விடுதலை செய்யுமாறு ஜனாதிபதி மஹிந்த ராஜபக்ஸவிடம் தமிழ் தேசியக் கூட்டமைப்பு கோரியுள்ளது இரு தரப்புக்களுக்கும் ஒரேவிதமாக நியாயம் வழங்கப்பட வேண்டியது அவசியமானதென கூட்டமைப்பின் பாராளுமன்றக் குழுத்தலைவர் இரா.சம்பந்தன் சுட்டடிக்காட்டியுள்ளார். குற்றச்செயலில் ஈடுபட்டதாக மரண தண்டனை விதிக்கப்பட்ட ஒரு தரப்பினருக்கு பொது மன்னிப்பு வழங்கி ஏனையவர்களை தண்டிப்பது ஏற்றுக்கொள்ள முடியாத ஒன்று எனவும் அவர் கூறியுள்ளார். மேலும் வரவு செலவுத் திட்ட விவாதங்களின்போதும் தாம் இந்த விடயம் குறித்து பாராளுமன்றில் வலியுறுத்தியதாகவும் அவர் சுட்டிக்காட்டியுள்ளார்.
பொது எதிரணியின் தேர்தல் விஞ்ஞாபனம் எதிர்வரும் 10ஆம் திகதி வெளியிடப்படவுள்ளது. இதில் பொதுவேட்பாளரான மைத்திரிபால சிறிசேன மற்றும் எதிர்க்கட்சித் தலைவர் ரணில் விக்கிரமசிங்க ஆகியோர் கைச்சாத்திடுவர் என முன்னாள் அமைச்சர் ராஜித சேனாரட்ன தெரிவித்துள்ளார். அவர் மேலும் தெரிவிக்கையில், நிறைவேற்று அதிகார ஜனாதிபதி முறைமையை இல்லாதொழித்தல், நாடாளுமன்றத்துக்குப் பொறுப்புக் கூறும் ஆட்சிமுறையை உருவாக்குதல், தேர்தல் முறைகளில் மாற்றம் ஏற்படுத்தல் என்பன உள்ளிட்ட மேலும் பல முக்கிய விடயங்கள் இந்தத் தேர்தல் விஞ்ஞாபனத்தில் உள்ளடக்கப்பட்டுள்ளன. நாடாளுமன்றத்துக்குப் பொறுப்புக்கூறும் அமைச்சரவையையும், அமைச்சரவைக்குப் பொறுப்புக்கூறும் பிரதமரையும் உருவாக்குவதுடன், அமைச்சரவையின் பிரதானியாக பிரதமர் செயற்படுவார். இதனூடாக புதிய அரசியல் கலாசாரமொன்றை உருவாக்கவுள்ளோம் என்றார்.
தாங்கள் முன்வைத்துள்ள அவசர அரசியல் திருத்த பிரேரணைக்கு ஆதரவளிக்கின்ற தரப்பினருடன் இணைந்து செயற்படவிருப்பதாக ஜாதிக ஹெல உறுமய தெரிவித்துள்ளது. கட்சியின் பிரதான செயலாளர் முன்னாள் அமைச்சர் பாட்டலி சம்பிக்க ரணவக்க இதனைத் தெரிவித்துள்ளார். இந்த யோசனைகள் ஏற்கனவே அரசாங்கத்துக்கு முன்வைக்கப்பட்டிருந்த நிலையில் சரியான பதில் கிடைக்கவில்லை. இந்நிலையில் பொது வேட்பாளர் மைத்திரிபால சிறிசேனவிடம் இந்த யோசனைகளை முன்வைக்கவிருப்பதாக அவர் கூறியுள்ளார். இந்த யோசனைகளுக்கு பொது வேட்பாளர் வழங்குகின்ற பதில்களின் அடிப்படையில் எதிர்வரும் தினங்களில் ஜனாதிபதி தேர்தலில் எவ்வாறு செயற்படுவது என்பது குறித்து தீர்மானிக்கப்படும் என்று பாட்டலி சம்பிக்க ரணவக்க மேலும் தெரிவித்துள்ளார்.
தாம் ஜனாதிபதியாக பதவி ஏற்றால், தற்போதைய ஜனாதிபதி மகிந்த ராஜபக்ஷவையோ, அவரது குடும்பத்தாரையோ அல்லது இராணுவ வீரர்களையோ யுத்தகுற்ற விசாரணை நீதிமன்றத்தில் நிறுத்த இடமளிக்கப் போவதில்லை என எதிகட்சிகளின் பொது வேட்பாளர் மைத்திரிபால சிறிசேன தெரிவித்துள்ளார். கொழும்பில் இடம்பெற்ற ஊடக சந்திப்பு ஒன்றில் வைத்து அவர் இதனைக் கூறியுள்ளார். வெளிநாடுகளில் உள்ள புலம்பெயர்ந்த தமிழர்கள் கூறும் வகையில் ஜனாதிபதி மகிந்த ராஜபக்ஷ அல்லது, அவரது குடும்பத்தினர் அல்லது போரில் சம்பந்தப்பட்ட படைத்தரப்பினர் யாரையும் போர்க்குற்ற நீதிமன்றத்துக்கு கொண்டு செல்வதற்கு புதிதாக தெரிவு செய்யப்படும் தமது அரசாங்கம் நடவடிக்கை எடுக்காது என்றும் அவர் கூறியுள்ளார். தமது அரசாங்கத்தின் கீழ் ஜனாதிபதி மகிந்த ராஜபக்ஷ, அவரது குடும்பம் மற்றும் சகல பாதுகாப்பு கட்டமைப்பினருக்கும் பாதுகாப்பு வழங்கப்படும் என்றும் அவர் சுட்டிக்காட்டியுள்ளார். அதேநேரம் தற்போதைய அரசாங்கத்தினால் முன்வைக்கப்பட்டுள்ள வரவு செலவுத்திட்டத்தில் கூறப்பட்டுள்ள அனைத்து நலத்திட்டங்களையும் தாம் ஆட்சி பொறுப்பை ஏற்றதன் பின்னர் வழங்கவிருப்பதாகவும் மைத்திரிபால சிறிசேன மேலும் குறிப்பிட்டுள்ளார்.
ஜனாதிபதி தேர்தலுக்கு எதிராக தடையுத்தரவு பிறப்பிக்க கோரி மேன்முறையீட்டு நீதிமன்றத்தில் மனுவொன்று நேற்று தாக்கல் செய்யப்பட்டுள்ளது. தேசிய சிங்கள பௌத்த மக்கள் கட்சியின் தலைவரான ரத்ன பண்டாரவினால் இந்த மனுத்தாக்கல் செய்யப்பட்டுள்ளது. ஜனாதிபதி மஹிந்த ராஜபக்ச நாட்டின் அரசியலமைப்பை வேண்டுமென்று மீறியுள்ளார் என நீதிமன்றப் பிரகடனம் செய்ய வேண்டும். அத்துடன் இந்த மனுவின் தீர்ப்பு வரும் வரையில் ஜனவரியில் நடைபெறவுள்ள ஜனாதிபதி தேர்தல் தொடர்பான எந்தவொரு நடவடிக்கை மீதும் தடையுத்தரவு பிறப்பிக்க வேண்டுமென்றும் கோரப்பட்டுள்ளது. பொதுசன அபிப்பிராய வாக்கெடுப்பு நடத்தாமல் 18ஆவது திருத்தத்தை சட்டமாக்கதியதன் மூலம் ஜனாதிபதி அரசியலமைப்பை மீறியுள்ளார். எனவே அவர் மூன்றாம் முறை ஜனாதிபதியாகும் தகுதியை மட்டுமல்லாது அவர் தற்போதைய ஜனாதிபதி பதவியாக இருக்கும் தகுதியையும் இழந்துள்ளார். ஆகையால் அவரை பதவி நீக்கம் செய்ய வேண்டுமென மனுதாரர் கேட்டுள்ளார். மேலும், அடுத்த ஜனாதிபதியாக வருவதற்கு பொருத்தமானவரை நீதிமன்றமே அறிவிக்க வேண்டுமெனவும் அவர் சுட்டிக்காட்டியுள்ளார்.
தமிழ் தேசியக் கூட்டமைப்புடன் இதுவரையிலும் எவ்விதமான பேச்சுவார்த்தையையும் நடத்தவில்லை என்று எதிரணியின் ஜனாதிபதி வேட்பாளர் மைத்திரிபால சிறிசேன தெரிவித்துள்ளார். கொழும்பில் இன்றுமுற்பகல் நடைபெற்ற ஊடகவியலாளர் மாநாட்டில் கலந்துகொண்டுள்ள ஊடகவியலாளர்கள் எழுப்பிய கேள்விகளுக்கு பதிலளிக்கும் போதே அவர் மேற்கண்டவாறு தெரிவித்துள்ளார். இது இவ்விதமிருக்க எதிரணியின் பொது வேட்பாளர் மைத்திரிபால சிறிசேனவின் தேர்தல் பிரசாரத்தில் பொலித்தீன், கட்டவுட், போஸ்டர்கள் பயன்படுத்தப்படுவதில்லை என தீர்மானிக்கப்பட்டுள்ளது. இருப்பினும், தேர்தல் கூட்டங்கள் தொடர்பில் அறிவிப்பதற்காக கூட்டம் நடைபெறும் பிரதேசத்தை அண்டிய பகுதிகளில் பிரசார சுவரொட்டிகள் ஒட்டப்படும் என்று மைத்திரிபால சிறிசேன தெரிவித்துள்ளார். இதேவேளை, எதிர்வரும் சில நாட்களில் கல்விப் பொதுத் தராதர சாதாரணதரப் பரீட்சை ஆரம்பமாகவுள்ளதால் பரீட்சை நிலையங்கள் நடைபெறும் இடங்களை அண்மித்த பகுதிகளில் எந்தவொரு பிரசார நடவடிக்கையும் முன்னெடுக்க வேண்டாம் என அறிவுறுத்தியுள்ளதாகவும் அவர் கூறியுள்ளார்.
பொது வேட்பாளர் மைத்திரிபால சிறிசேனவிற்கு ஆதரவளிக்கும் நோக்கில் அமைச்சர் நவீன் எதிர்க்கட்சியில் இணைந்து கொண்டுள்ளதாக தெரியவருகிறது. எதிர்வரும் திங்கட்கிழமை அமைச்சு பதவியை ராஜினாமா செய்வது மற்றும் ஐக்கிய தேசிய கட்சியில் இணைந்து கொள்வது தொடர்பில் அவர் அறிவிப்பார் என எதிர்பார்க்கப்படுகிறது.
அரசாங்கத்தின் தேசிய பட்டியலில் தெரிவான நாடாளுமன்ற உறுப்பினர், ஏ.எச்.எம். அஸ்வர் நாடாளுமன்ற உறுப்பினர் பதவியில் இருந்து விலகியுள்ளார். இது தொடர்பான பதவி விலகல் கடிதத்தை, நாடாளுமன்ற செயலாளர் நாயகத்திடம் அவர் கையளித்துள்ளதாக நாடாளுமன்ற பிரதி செயலாளர் தெரிவித்துள்ளார். தேசியப்பட்டியல் நாடாளுமன்ற பதவியை இராஜினாமா செய்த ஏ.எச்.எம் அஸ்வரின் வெற்றிடத்துக்கு கிழக்கு மாகாண சபை உறுப்பினர் அமீர் அலி நிமியக்கப்படவிருப்பதாக தகவல்கள் வெளியாகியுள்ளமை குறிப்பிடத்தக்கது.
அரச மற்றும் அரச கூட்டுத்தாபன யாப்பு சபைகளுக்குச் சொந்தமான சொத்துக்களை ஜனாதிபதித் தேர்தல் காலத்தில் பயன்படுத்துவதை தடுக்கும் நோக்கில் தேர்தல்கள் ஆணையாளரால் விசேட சுற்றறிக்கை ஒன்று விடுக்கப்பட்டுள்ளது. அனைத்து அமைச்சு செயலர்கள், மாவட்ட செயலர்கள், திணைக்கள பிரதானிகள், அரச கூட்டுத்தாபன மற்றும் யாப்பு சபை தலைவர்களுக்கு இந்த சுற்றறிக்கை விடுக்கப்பட்டுள்ளதாக தேர்தல்கள் செயலகம் தெரிவித்துள்ளது. அரச கார்கள், அலுவலகங்கள், கட்டிடங்கள் போன்றவற்றை தேர்தல் பிரச்சாரத்திற்கு பயன்படுத்துவது முற்றாக தடைசெய்யப்பட்டுள்ளதாக அதில் கூறப்பட்டுள்ளது. அதுதவிர ஜனாதிபதி தேர்தல் காலத்தில் அரச ஊழியர்கள் மற்றும் சேவையாளர்களுக்கு நியமனம் வழங்குதல், பதவி உயர்வு, இடமாற்றம் மற்றும் மட்டுப்படுத்தல் தடை செய்யப்பட்டுள்ளது. அரச ஊழியர்கள் அரசியல் நடவடிக்கையில் ஈடுபடுவதற்கு அனுமதிக்கப்பட மாட்டார்கள் என தேர்தல்கள் ஆணையாளர் தனது சுற்றறிக்கையில் சுட்டிக்காட்டியுள்ளார்.
சிரச சட்டண அரசியல் விவாத நிகழ்ச்சி ஒளிபரப்பான சந்தர்ப்பத்தில், டயலொக் டிவியூடாக ஏற்பட்ட இடையூறுக்கு எதிர்ப்பு தெரிவிக்கும் வகையில் வாடிக்கையாளர்கள் சிலர் இன்று எதிர்ப்பில் ஈடுபட்டிருந்தனர். கொழும்பு டயலொக் நிறுவன பிரதான அலுவலகத்திற்கு முன்பாக இந்த எதிர்ப்பு நடவடிக்கை முன்னெடுக்கப்பட்டுள்ளது. தாம் பணம் செலுத்தி பெற்றுக்கொண்ட சேவையை உரிய முறையில் வழங்குவதற்கு குறித்த நிறுவனம் தவறியுள்ளதாக எதிர்ப்பில் ஈடுபட்டுள்ளவர்கள் தெரிவித்திருந்தமை இங்கு குறிப்பிடத்தக்கது.
வவுனியா தெற்கு தமிழ் பிரதேசசபையின் நிர்வாக எல்லைக்குட்பட்ட தோணிக்கல் கிராமத்தின் குட்செட் வீதி முதலாவது ஒழுங்கைக்குள் உள்ள வீடுகள் கடைகள் மலசலகூடத்தினுள் மழை நீர் புகுந்து மக்களிற்கு பெரும் பாதிப்பை ஏற்படுத்தியுள்ளது. பிரதேச சபைக்கு மக்களினால் செலுத்தப்பட வேண்டிய ஆதன 
ஜனாதிபதித் தேர்தலின்போது இடம்பெறும் வன்முறைகளைத் தடுக்க பயனுள்ள வேலைத் திட்டம் ஒன்று அவசியம் என பெப்ரல் அமைப்பு தெரிவித்துள்ளது. இவ்விடயம் குறித்து கவனம் செலுத்துமாறு மனித உரிமை ஆணைக்குழுவிற்கு கடிதம் அனுப்பியுள்ளதாக பெப்ரல் அமைப்பின் நிறைவேற்றுப் பணிப்பாளர் ரோஹண ஹெட்டியாராச்சி தெரிவித்துள்ளார். கடந்த சில தினங்களாக இடம்பெற்ற வன்முறைச் சம்பவங்கள் தொடர்பில் பொலிஸாரின் நடவடிக்கைகள் திருப்தியளிக்கவில்லை என்று ரோஹண ஹெட்டியாராச்சி மேலும் குறிப்பிட்டுள்ளார்.
தான் தற்போதும் சிறீலங்கா சுதந்திர கட்சியின் உறுப்பினர், பொதுச் செயலாளர் என எதிர்கட்சிகளின் பொது வேட்பாளர் மைத்திரிபால சிறிசேன தெரிவித்துள்ளார். கட்சி உறுப்புரிமை மற்றும் பொதுச் செயலாளர் பதவியில் இருந்து நீக்கப்பட்டதாக கூறிய போதும் அவை சட்ட ரீதியில் நடைபெறவில்லை என இன்று கம்பஹா, ஹொரகொல்ல – பண்டாரநாயக்க சமாதி பகுதியில் இடம்பெற்ற மக்கள் சந்திப்பின்போது அவர் தெரிவித்துள்ளார். எதிர்வரும் நாட்களில் ஜனாதிபதித் தேர்தலுக்காக வேட்பு மனு தாக்கல் செய்யவுள்ளதாகவும் பண்டாரநாயக்க ஜனன தினமான டிசம்பர் 8ம் திகதி நடைபெறும் தேர்தலில் வெற்றிபெற்று பண்டாரநாயக்க வழியில் செயற்படவுள்ளதாகவும் சமாதிக்கு அருகில் நின்று மைத்திரிபால சிறிசேன உறுதியளித்துள்ளார். சிறிமாவோ பண்டாரநாயக்க காலத்தில் 17 வயது இளைஞனாக வாக்குபலம் இன்றி இருந்த காலத்திலேயே தனக்கு சிறீலங்கா சுதந்திர கட்சி உறுப்புரிமை கிடைத்ததாகவும் கட்சியில் தனக்கு 47 வருடகால அனுபவம் உள்ளதாகவும் அவர் குறிப்பிட்டுள்ளார். எதிர்கட்சித் தலைவர் ரணில் விக்ரமசிங்க, சந்திரிக்கா குமாரதுங்க உள்ளிட்ட தலைவர்கள், குழுக்கள் விடுத்த அழைப்பின் பேரில் பொது வேட்பாளராக போட்டியிட தான் முன்வந்தமை நாட்டின் தேசிய எதிர்பார்ப்புக்களை ஈடுசெய்யவே என மைத்திரிபால சிறிசேன குறிப்பிட்டார். தான் ஐக்கிய தேசியக் கட்சி அல்லது வேறு கட்சியுடன் இணையவில்லை என்றும் பொது வேட்பாளராக பொது எதிரணியில் போட்டியிடுவதாகவும் கூட்டணி அரசியல் தனக்குப் புதிதல்ல எனவும் அவர் கூறினார். தன்னோடு இணைவதாகக் கூறிய அமைச்சர்கள், பாராளுமன்ற உறுப்பினர்கள் எங்கே என்று சிலர் கேள்வி எழுப்பி வருவதாகவும் விடியும் போது நல்ல நல்ல விளையாட்டுக்களை காண முடியும் என்றே அவர்களுக்கு பதில் சொல்ல வேண்டியுள்ளதெனவும் நடக்க வேண்டியவை சரியான நேரத்திற்கு நடைபெறும் என்றும் மைத்திரிபால சிறிசேன மேலும் குறிப்பிட்டுள்ளார்.
நுவரெலிய மாவட்ட நாடாளுமன்ற உறுப்பினர் பெருமாள் இராஜதுரை பிரதான எதிர்க்கட்சியான ஐக்கிய தேசியக் கட்சியில் இணைந்துகொண்டுள்ளார். ஐ.தே.கட்சித் தலைமையகமான சிறிகொத்தவில் இன்று நடைபெற்ற ஊடகவியலாளர் சந்திப்பின்போதே அவர் இதனைத் தெரிவித்துள்ளார். மேலும், பொது எதிரணியின் ஜனாதிபதி வேட்பாளர் மைத்திரிபால சிறிசேனவுக்கு தாம் ஆதரவளிக்கவுள்ளதாகவும் அவர் குறிப்பிட்டுள்ளார். இதேவேளை திருகோணமலை, சேருவில பிரதேச சபையின் தமிழ் தேசியக் கூட்டமைப்பு உறுப்பினர் கே.சிவலோகேஸ்வரன் ஐக்கிய மக்கள் சுதந்திர கூட்டமைப்பில் இணைந்து கொண்டுள்ளதாக தெரியவருகிறது. இன்றுகாலை இடம்பெற்ற சேருவில பிரதேச சபை மாதாந்த அமர்வில் விசேட உரையொன்றை ஆற்றியவாறு ஐக்கிய மக்கள் சுதந்திர முன்னணி உறுப்பினர்கள் அருகில் அவர் அமர்ந்ததாகவும், எதிர்வரும் ஜனாதிபதித் தேர்தலில் ஜனாதிபதி மஹிந்த ராஜபக்ஷவிற்கு ஆதரவு வழங்குவதாக கே.சிவலோகேஸ்வரன் இதன்போது குறிப்பிட்டதாகவும் தெரியவருகிறது.
இரத்தினபுரி மாவட்டத்திற்கு மண்சரிவு அனர்த்த எச்சரிக்கை விடுக்கப்பட்டுள்ளது. நேற்றையதினம் இரவு 7 மணி தொடக்கம் 24 மணித்தியாலத்திற்கு தேசிய கட்டுமாண ஆராய்ச்சி நிறுவனத்தால் இந்த மண்சரிவு எச்சரிக்கை விடுக்கப்பட்டுள்ளது. இரத்தினபுரி மாவட்டத்தில் பெய்து வரும் கன மழை காரணமாக மண்சரிவு, கல்சரிவு, மண்மேடு சரிவு போன்ற அனர்த்தங்கள் இடம்பெறக்கூடும் எனவும் எச்சரிக்கை விடுக்கப்பட்டுள்ளது. இது குறித்து எச்சரிக்கையுடன் செயற்படுமாறு அனர்த்த முகாமைத்துவ மத்திய நிலையம் இரத்தனபுரி மக்களை கேட்டுக் கொண்டுள்ளது. இதேவேளை, இன்றைய தினம் நாட்டின் பல பாகங்களிலும் மாலை அல்லது இரவு வேளைகளில் மழை பெய்யக்கூடும் என வானிலை அவதான நிலையம் அறிவித்துள்ளது.
கண்டி மாவட்ட ஐக்கிய தேசியக்கட்சி நாடாளுமன்ற உறுப்பினரும் ஹரிஸ்பத்துவ தேர்தல் தொகுதி அமைப்பாளருமான எம்.எச்.ஏ ஹலீமின் தேர்தல் காரியாலயம்மீது இனந்தெரியாதோர் துப்பாக்கிப்பிரயோகம் மேற்கொண்டுள்ளனர். கண்டி மாவில்மடயில் உள்ள கட்சி காரியாலயத்தின் மீதே துப்பாக்கிப்பிரயோகம் மேற்கொள்ளப்பட்டுள்ளதாக கட்டுகஸ்தோட்டை பொலிஸார் தெரிவித்துள்ளனர். அச்சந்தர்ப்பத்தில் நாடாளுமன்ற உறுப்பினர் காரியாலயத்தில் இருக்கவில்லை. சம்பவம் தொடர்பில் விசாரணைகளை பொலிஸார் மேற்கொண்டு வருகின்றனர்.
15 வயதுப்பிரிவு இரண்டாம் இடம் (நிற்பவர்கள் இடமிருந்து வலமாக)
17 வயதுப்பிரிவு முதலாம்; இடம் நிற்பவர்கள் இடமிருந்து வலமாக 
யா-அராலி சரஸ்வதி மகா வித்தியாலயம் தரம் 5 புலமைப்பரிசில் பரீட்சையில் சித்திபெற்றோர் மாணவர் விபரம் 
எதிர்வரும் ஜனாதிபதித் தேர்தலில் எதிரணியின் வெற்றி நிச்சயிக்கப்பட்டது. அவ்வாறு வெற்றி பெற்றதன் பின்னர் நாட்டையோ அரசாங்கத்தையோ நிர்வகித்த தலைவர்களையோ அல்லது படையினரையோ ஒரு போதும் காட்டிக் கொடுக்கமாட்டோம். 
ஐக்கிய மக்கள் சுதந்திர கூட்டமைப்பு அரசாங்கத்தின் 2015ம் நிதியாண்டுக்கான வரவு செலவுத் திட்டம் சற்றுமுன்னர் பாராளுமன்றில் நிறைவேற்றப்பட்டுள்ளது. 
வவுனியா வர்த்தக சங்கத்தின் ஒழுங்கமைப்பில் தமிழ் தேசியக் கூட்டமைப்பு மற்றும் கோவில்குளம் இளைஞர் கழகத்தின் அனுசரணையில் சேகரிக்கப்பட்ட 15 இலட்சம் ரூபாய் பெறுமதியான நிவாரணப் பொருட்கள் கொஸ்லாந்தை மீரியபெத்தையில் மண்சரிவினால் பாதிக்கப்பட்ட உறவுகளுக்காக நேற்று (22.11.2014) சனிக்கிழமை வவுனியா மாவட்ட வர்த்தக சங்கத் தலைவர் திரு. ரி.எஸ்.இராசலிங்கம் தலைமையிலான குழுவினரால் மக்களிடம் நேரடியாக கையளிக்கப்பட்டது. முன்னாள் வன்னி பாராளுமன்ற உறுப்பினரும், புளொட் தலைவரும் தற்போதைய தமிழ் தேசியக் கூட்டமைப்பின் வட மாகாண சபை உறுப்பினருமான கௌரவ தர்மலிங்கம் சித்தார்த்தன், தமிழ் தேசியக் கூட்டமைப்பின் வட மாகாண சபை உறுப்பினர் திரு.எஸ்.தியாகராசா, வவுனியா நகரசபையின் முன்னாள் உப நகர பிதாவும் புளொட் முக்கியஸ்தர்களுள் ஒருவருமான திரு க.சந்திரகுலசிங்கம் (மோகன்), வர்த்தக சங்கத்தின் இயக்குனர் குழு உறுப்பினர் வாடி வீடு அதிபர் கதிர்காமராஜா(பூஸ்), புளொட்டின் நோர்வே கிளையின் அமைப்பாளர் திரு. சிவராசா இராசசிங்கம் (ராஜன்), கோவில்குளம் இளைஞர் கழகத் தலைவர் திரு சு.காண்டீபன், கழக உறுப்பினர் திரு ந.தினேஷ் ஆகியோர் இக்குழுவில் அடங்கியிருந்தனர்.