பொதுநலவாய அமைப்பின் செயலாளர் நாயகம் பெட்ரீசியா ஸ்கொட்லன்ட் நான்கு நாள் உத்தியோகபூர்வ விஜயமொன்றை மேற்கொண்டு ஓகஸ்ட் முதலாம் திகதி இலங்கைக்கு வருகைத்தரவுள்ளார்.

அவர் கடந்த 2016ஆம் ஆண்டு அமைப்பின் செயலாளர் நாயகமாக பதவியேற்றதன் பின்னர் இலங்கைக்கு மேற்கொள்ளும் முதலாவது விஜயமாக இது அமையவுள்ளது. நாளை மறுதினம் பிரதமர் ரணில் விக்கிரமசிங்க, வெளிவிவகார அமைச்சர் திலக் மாரபன ஆகியோரை சந்திக்கவுள்ளார். Read more

கட்டுநாயக்க பண்டாரநாயக சர்வதேச விமான நிலையத்தின் சுங்க அதிகாரிகள் மீது தாக்குதல் நடத்திய சம்பவத்தை கண்டித்து, விமான நிலையத்தைச் சேர்ந்த சுங்கப் பிரிவினர் வேலைநிறுத்தப் போராட்டத்தில் குதித்துள்ளனர்.

இதனால், விமான நிலையத்தின் சான்றளிப்பை பெறுதல் நடவடிக்கைகள் பாதிக்கப்பட்டுள்ளன. குவைத் நாட்டைச் சேர்ந்த ஜோடியொன்று, விமான நிலைய அதிகாரிகள் ஐவர் மீது, கடந்த 27 ஆம் திகதியன்று தாக்குதல் நடத்தியது. நாயொன்றுடன் வந்ததையடுத்தே, அந்த ஜோடிக்கும், அதிகாரிகளுக்கும் இடையில் வாக்குவாதம் ஏற்பட்டுள்ளது. Read more

இலங்கை விமான சேவையில், புதிதாக சேவையில் ஈடுபடுத்தும் பொருட்டு இன்று (30), புதிய விமானம் ஒன்று சேவையில் இணைத்துக் கொள்ளப்பட்டது.

சர்வமத வழிபாடுகளை தொடர்ந்து, எயார் பஸ் நிறுவனத்தின், ஜேர்மன் ஹெம்பர்க் தொழிற்சாலையினால் உற்பத்தி செய்யப்பட்ட, A-321neo ரக விமானமே இவ்வாறு சேவையில் இணைத்துக் கொள்ளப்பட்டுள்ளது. எரிபொருள் மற்றும் காற்று எதிர்ப்பைக் குறைத்து பறக்கக்கூடிய வகையில் புதிய நிர்மாணிப்பதாக இது தயாரிக்கப்பட்டுள்ளது. Read more

ஜனாதிபதி செயலகத்தில் இன்று நடைபெறவுள்ள வடக்கு மற்றும் கிழக்கு மாகாணங்களின் அபிவிருத்திக்கான செயலணியின் கூட்டத்தில் தாம் கலந்து கொள்ளப்போவதில்லை என்று வட மாகாண முதலமைச்சர் சீ.வி.விக்னேஸ்வரன் அறிவித்துள்ளார்.

இது தொடர்பில் தாம் ஏலவே இரண்டு கடிதங்கள் மூலம் உரிய தரப்புக்கு அறிவித்திருப்பதாகவும் அவர்குறிப்பிட்டுள்ளார். இந்த செயலணியின் 48 பிரதிநிதிகளில் 2 பேர் மாத்திரமே வடக்கை பிரதிநிதித்துவப்படுத்துவதுடன், ஏனையோர் மத்திய அரசாங்கத்தையும் பாதுகாப்பு தரப்பையுமே பிரதிநிதித்துவப்படுத்துகின்றனர் என தெரிவித்த வடக்கு முதல்வர், இதனால் தாம் இந்த செயலணியை தொடர்ந்து எதிர்த்து வருவதாகவும் குறிப்பிட்டுள்ளார்.

இலங்கையில் மத ரீதியான சுதந்திரத்தை ஏற்படுத்துவதற்கு ஆவனசெய்யப்படும் என்று, அரசாங்கம் அமெரிக்காவிடம் உறுதியளித்துள்ளதாக தெரிவிக்கப்படுகிறது. வெளிவிவகார செயலாளர் பிரசாத் காரியவசம், அமெரிக்க அதிகாரிகளுடனான மாநாடு ஒன்றில் வைத்து இதனைக் கூறியுள்ளார்.

இலங்கையில் தொடர்ந்தும் மத ரீதியான அமைதியின்மை நிலவுவதாக அண்மைக்காலத்தில் அறிக்கைகள் வெளியாகி இருந்தன. இந்நிலையில், இதனை தணித்து, அனைத்து மதங்களும் தங்களது சுதந்திரத்தை அனுபவிக்கக்கூடிய ஏற்பாடுகள் மேற்கொள்ளப்படும் என்று அவர் தெரிவித்துள்ளார். Read more

11 இளைஞர்களை கடத்தி காணாமல் ஆக்கிய சம்பவம் தொடர்பில் கைது செய்யப்பட்டு விளக்கமறியலில் வைக்கப்பட்டிருந்த கடற்படை புலனாய்வுப்பிரிவின் அதிகாரிகள் இருவரும் கடுமையான பிணை நிபந்தனைகளின் கீழ் விடுவிக்கப்பட்டுள்ளனர்.

அதனுடன் தொடர்புடைய வழக்கு கொழும்பு மேல்நீதிமன்றில் இன்று விசாரணைக்கு எடுத்துக்கொள்ளப்பட்ட போது இந்த பிணை உத்தரவு பிறப்பிக்கப்பட்டுள்ளது. Read more

யாழ்ப்பாணத்தில் இன்று பிற்பகல் 1 மணி வரையிலான 24 மணி நேரத்துக்குள், ஆறு வன்முறை சம்பவங்கள் இடம்பெற்றுள்ளதாக காவற்துறையினர் தெரிவித்துள்ளனர். யாழ்ப்பாணம் – வண்ணார்பண்ணை வட-கிழக்கு கிராம அலுவலர் அடையாளம் தெரியாத குழு ஒன்றினால் அச்சுறுத்தப்பட்டுள்ளதாக தெரிவிக்கப்படுகிறது.

வாள் மற்றும் கம்பிகளுடன் 4 உந்துருளிகளில் அவரது அலுவலகத்துக்குப் பிரவேசித்த எட்டு பேர் கொண்ட குழு ஒன்று அவரை அச்சுறுத்தியதுடன், அவரது முச்சரக்கரவண்டி, மடிகணினி, கைப்பேசி உள்ளிட்ட உடைமைகளையும் சேதப்படுத்தியுள்ளது. Read more

அமெரிக்க கடலோரக் காவல்படையின் பயன்பாட்டில் இருந்து நீக்கப்பட்ட- உயர் திறன்வாய்ந்த போர்க்கப்பலான- ‘யு.எஸ்.சி.ஜி ஷேரமன்’, இலங்கை கடற்படைக்கு அடுத்தமாதம் அன்பளிப்பாக வழங்கப்படவுள்ளது.

1967 ஆம் ஆண்டு கட்டப்பட்ட இந்தப் போர்க்கப்பல், 50 ஆண்டுகள் சேவையாற்றிய நிலையில், கடந்த மார்ச் மாதம், அமெரிக்க கடலோரக் காவல்படையின் பயன்பாட்டில் இருந்து நீக்கப்பட்டது. 378 அடி (115 மீற்றர்) நீளம் கொண்ட இந்தப் போர்க்கப்பல் தற்போது ஹவாய் தீவிலுள்ள ஹொனொலுலு துறைமுகத்தில் தரித்து நிற்கிறது. Read more

இன்று நள்ளிரவு முதல் மேற்கொள்ளப்பட இருந்த புகையிரத வேலை நிறுத்த போராட்டத்தை இரத்து செய்வதற்கு புகையிரத தொழிற்சங்கம் தீர்மானித்துள்ளது.

அமைச்சர்கள் சிலருடன் இன்று இடம்பெற்ற கலந்துரையாடலில் ஏற்பட்ட உடன்பாட்டிற்கு அமைய இந்த போராட்டத்தை இரத்து செய்ய தீர்மானித்ததாக புகையிரத இயந்திர ஓட்டுனர்கள் சங்கத்தின் செயலாளர் இந்திக தொடம்கொட தெரிவித்துள்ளார். Read more

வவுனியா, புளியங்குளம் பகுதியில் இடம்பெற்ற விபத்தில் பாடசாலை மாணவன் ஒருவன் உயிரிழந்துள்ளதுடன் மேலும் 11பேர் காயங்களுக்குள்ளாகி வவுனியா வைத்தியசாலையில் அனுமதிக்கப்பட்டுள்ளதாக புளியங்குளம் பொலிஸார் தெரிவிக்கின்றனர்.

இலங்கை போக்குவரத்து சபைக்கு சொந்தமான யாழ்ப்பாணம் கொழும்பு பேருந்தும் முச்சக்கர வண்டி ஒன்றும் நேருக்கு நேர் மோதிக்கொண்டதில் இந்த விபத்து இடம்பெற்றுள்ளதாக பொலிஸார் தெரிவிக்கின்றனர். Read more