முன்னாள் ஜனாதிபதி மஹிந்த ராஜபக்ஷவின் தங்கை நிரூபமாவின் கணவரான திருக்குமரன் நடேசன் பொலிஸ் நிதி குற்றவிசாரணைப் பிரிவினரால் கைதுசெய்யப்பட்டுள்ளார்.

பொருளாதார அபிவிருத்தி முன்னாள் அமைச்சர் பசில் ராஜபக்ஷவுக்குச் சொந்தமானது எனக் கூறப்படும், மல்வானையில் உள்ள 16 ஏக்கர் காணி தொடர்பில் வாக்குமூலம் வழங்குவதற்காக, அவர் இன்று நிதிக் குற்றப் புலனாய்வுப் பிரிவில் ஆஜரானார். Read more

யாழ். மாவட்டத்தில் நிலத்தடி நீரில் உள்ள பிரச்சினைகள் மற்றும் குடிநீர் சம்பந்தமான குறைபாடுகள் தொடர்பாக மக்களுடன் கலந்துரையாடல் ஒன்று மேற்கொள்ளப்பட்டுள்ளது.

சிறீலங்கா முஸ்லிம் காங்கிரஸின் தலைவரும் தேசிய நீர் வழங்கல் அமைச்சருமான ரவூப் ஹக்கீமின் விசேட பணிப்புரையின் கீழ் அக் கட்சியின் தேசிய அமைப்பாளரும் நீர் வழங்கல் அமைச்சின் பிரதி தவிசாளருமான சபீக் ரஜாப்தீன் தலைமையில் இது சம்பந்தமான குறைபாடுகள் குறித்து ஆராயப்பட்டன. Read more

இராணுவ பிரதானி பதவிக்கு தற்போது வெற்றிடம் ஏற்பட்டுள்ளது. இராணுவ பிரதானியாக பதவி வகிக்கும் மேஜர் ஜெனரல் ஜகத் டயஸ், கடந்த ஓகஸ்ட் மாதம் ஓய்வுபெற்றுச் சென்றுள்ள நிலையில் அவரது பதவிக்கு இதுவரை யாரும் நியமிக்கப்படவில்லை.

பிரதி இராணுவ பிரதானியாக பதவி வகித்த மேஜர் ஜெனரல் சுமேத பெரேரா, கடந்த செப்டெம்பர் மாதம் ஓய்வு பெற்றுச் சென்றுவிட்டார் என்பது இங்கு குறிப்பிடத்தக்கது.

முன்னாள் பாதுகாப்புச் செயலாளர் கோட்டாபய ராஜபக்ஷ மற்றும் முன்னாள் கடற்படை தளபதிகளை விசாரணைக்கு உட்படுத்தியமை தொடர்பில் ஜனாதிபதி காரசாரமான முறையில் கருத்து வெளியிட்டதால், நல்லாட்சியில் கருத்து முரண்பாடுகள் ஏற்பட்டுள்ள நிலையில், அதனை தீர்ப்பதற்காக முன்னாள் ஜனாதிபதி சந்திரிகா களத்தில் இறங்கவுள்ளதாக தெரிவிக்கப்படுகிறது.

மைத்திரி-ரணில் ஆட்சியில் ஏற்கனவே சுதந்திரக் கட்சி-ஐ.தே.கவின் சில உறுப்பினர்களுக்கு இடையில் முரண்பாடுகள் ஏற்பட்டிருந்த நிலையில், கோட்டாபய குறித்து ஜனாதிபதி தெரிவித்த கருத்தானது இருதரப்பு முரண்பாட்டின் உச்சத்தை எட்டியுள்ளதாக தகவல்கள் தெரிவிக்கின்றன. Read more

இலங்கை வந்துள்ள ஐக்கிய நாடுகள் சபையின் சிறுபான்மை இன விவகாரங்களை ஆராயும் நிபுணர் ரீட்டா ஐசாக் நாடியா பிரதான எதிர்க்கட்சியான தமிழ் தேசியக் கூட்டமைப்பை சந்திக்கவுள்ளார்.

எதிர்வரும் செவ்வாய்கிழமை இச்சந்திப்பு இடம்பெறவுள்ளது. பாராளுமன்றத்தில் அமைந்துள்ள எதிர்க்கட்சித்தலைவர் அலுவலகத்தில் நடைபெறவுள்ள இச்சந்திப்பில் தமிழ் தேசியக் கூட்டமைப்பின் தலைவரும் எதிர்கட்சித் தலைவருமான இரா.சம்பந்தன் தலைமையிலான குழுவினர் பங்கேற்கவுள்ளனர். Read more

இலங்கையர்கள் 800 பேருக்கு இரட்டை பிரஜாவுரிமை வழங்குவதற்கு குடிவரவு குடியகல்வு திணைக்களம் நடவடிக்கை எடுத்துள்ளது.

இவர்களுக்கான இரட்டை பிரஜாவுரிமைக்கான சான்றிதழ் நாளை வழங்கப்படவுள்ளதாக குடிவரவு குடியகல்வு திணைக்கள பிரஜைகள் பிரிவின் பிரதி கட்டளையாளர் ஷாமிக கமகே தெரிவித்துள்ளார். Read more

பிரதமர் ரணில் விக்ரமசிங்க உத்தியோகபூர்வ விஜயமொன்றினை மேற்கொண்டு பெல்ஜியம் நோக்கி இன்று அதிகாலை பயணமாகியுள்ளார். 9பேர் கொண்ட குழுவுடன் பிரதமர் அங்கு சென்றுள்ளார்.

ஜீ.எஸ்.பி வரிச் சலுகையை மீண்டும் பெற்றுக்கொள்வது தொடர்பில் கலந்துரையாடவே அவர் அங்கு சென்றிருப்பதாக பிரதமர் அலுவலகம் கூறியுள்ளது. Read more

இந்தியாவின் கோவாவில் ஆரம்பமாகியுள்ள பிரிக்ஸ் மற்றும் பிம்ஸ்டெக் மாநாட்டில் கலந்து கொண்டிருக்கும் ஜனாதிபதி மைத்திரிபால சிறிசேன, இந்தியப் பிரதமர் நரேந்திர மோடியை, இன்றுகாலை சந்தித்து கலந்துரையாடியுள்ளார்.

அயல் நாடான இந்தியாவைச் சந்திப்பதில் சந்தோஷமடைவதாகவும், பிராந்தியத்தின் ஒத்துழைப்பு பற்றி கலந்துரையாடவுள்ளதாகவும், ஜனாதிபதி மைத்திரிபால சிறிசேன தனது டுவிட்டர் வலைத்தளத்தில் குறிப்பிட்டுள்ளார்.

அநுராதபுரம் சிறைச்சாலையின் சிறைக் கூட்டிலிருந்து, தூக்கில் தொங்கிய நிலையில் கைதியொருவரின் சடலம் மீட்கப்பட்டுள்ளதாக பொலிஸார் தெரிவித்துள்ளனர்.

மரதன்கடவெல பகுதியைச் சேர்ந்த 51 வயதான நபரொருவரே இவ்வாறு சடலமாக மீட்கப்பட்டுள்ளதாக தெரிவித்த பொலிஸார், குறித்த நபர் தற்கொலை செய்துகொண்டுள்ளதாக, பிரேத பரிசோதனை மூலம் தெரியவந்துள்ளதாகவும் குறிப்பிட்டுள்ளனர். 

94ஆவது சர்வதேச கூட்டுறவாளர் தினம் முல்லைத்தீவு கற்சிலைமடு பாடசாலை அரங்கில் இடம்பெற்றது. இந்நிகழ்வில் பிரதம விருந்தினராக வடமாகாணசபை அமைச்சர் ஐங்கரநேசன் மற்றும் வடமாகாணசபை கௌரவ உறுப்பினர்கள் க.சிவநேசன் மற்றும் து.ரவிகரன் ஆகியோருடன் மேலதிக அரசாங்க அதிபர் மாவட்ட கூட்டுறவு பணிப்பாளர் சுகசிங்கவும் பங்குபற்றினார்கள்.

இந்நிகழ்விற்கு மாவட்ட கூட்டுறவு தலைவர் திரு. சர்வானத்தராசா தலைமையேற்றிருந்தார். திரு.வேதாவனம் மற்றும் கூட்டுறவு தலைவர்கள் உத்தியோகத்தர்கள் பணியாளர்கள் மற்றும் பாடசாலை மாணவர்கள், ஆசிரியர்கள் இதில் கலந்து கொண்டிருந்தனர்.
Read more